کنیڈا کے وزیراعظم جسٹن ٹروڈو کی اہلیہ سوفی گریگوئیرے ٹروڈو نے کورونا وائرس سے متاثر ہونے کے بعد اب اس سے مکمل طورپر صحت یاب ہونے کا اعلان کیاہے۔
محترمہ ٹروڈو نے اتوار کی صبح سوشل نیٹ ورکنگ سائٹ فیس بک پر ایک پوسٹ لکھ کر یہ اطلاع دی۔
انھوں نے فیس بک پر لکھا میں آپ سبھی کو ایک تازہ اطلاع دینا چاہتی ہوں ۔میں بہت ہی بہتر محسوس کررہی ہوں اور مجھے ڈاکٹروں اور اوٹاوہ عوامی حفظان صحت کے شعبہ نے کوروناسے مکمل طورپر صحت یاب ہونے خبر دی ہے۔
واضح رہے کہ کناڈا کے وزیراعظم کے دفتر نے 13مارچ کو محترمہ ٹروڈو کے کورونا وائرس سے متاثر ہونے کا اعلان کیاتھا جس کے بعد سے ہی انکا علاج شروع ہوگیاتھا۔
اس کے بعد وزیراعظم اور انکے شوہر جسٹن ٹروڈو نے بھی خود اختیاری قرنطینہ اختیار کرلیاتھا حالانکہ مسٹر ٹروڈو میں ابھی تک کورونا کی کوئی علامات نہیں پائی گئیں ہیں۔
کنیڈا میں ابھی تک کورونا وائرس کے 5425معاملوں کی تصدیق ہوئی ہے اور اس وبا کی وجہ سے 60لوگوں کی موت ہوچکی ہے۔
