عالمی وبائی مرض کوویڈ ۔19 سے شدید طور پر مبتلا امریکہ میں یکم دسمبر تک اس انفیکشن سے تقریبا تین لاکھ افراد فوت ہوسکتے ہیں۔
واشنگٹن یونیورسٹی کے اسکول آف میڈیسن ڈیپارٹمنٹ کے صحت و تشخیص انسٹی ٹیوٹ نےجمعرات کو جاری اپنی رپورٹ میں اس بات کا دعویٰ کیا ہے۔
ریلیز کے مطابق امریکہ میں یکم دسمبر تک کووڈ ۔19 میں مرنے والوں کی تعداد تین لاکھ تک پہنچ سکتی ہے۔ اگر لوگ ماسک پہننے اور جسمانی فاصلے جیسے دوسرے ضروری قواعد پر عمل کریں تو تقریبا 70 ہزار لوگوں کی جان بچ سکتی ہے۔
- مزید پڑھیں: عالمی سطح پر کورونا کی تازہ ترین تفصیلات
امریکہ کی جان ہاپکنس یونیورسٹی کے سائنس اور انجینئرنگ سنٹر (سی ایس ایس ای) کے جاری کردہ تازہ ترین اعدادوشمار کے مطابق امریکہ میں کورونا سے اموات کی تعداد 1،60،000 تک پہنچ چکی ہے جبکہ متاثرین کی تعداد 48 لاکھ سے تجاوز کرکے 48،76،790 ہوگئی ہے۔
