چلی میں کورونا وائرس سے ہزاروں افراد متاثر، چار ہلاک

جنوبی امریکہ کے مغربی کنارے پر واقع ملک چلی میں اب تک كووڈ -19 کے 1 ہزار 306 معاملے مثبت پائے گئے ہیں جبکہ اس سے چار افراد کی موت ہو چکی ہے۔

چلی کے وزیر صحت جیئم منالیچ نے بتایا کہ ملک میں گزشتہ 24 گھنٹوں کے دوران کورونا وائرس کے 164 معاملے درج کئے گئے ہیں۔

ملک میں مجموعی 64 افراد علاج کے لئے مختلف ہسپتالوں میں داخل ہیں، جس میں چار افراد کی حالت نازک ہے، جبکہ 33 مریضوں کو علاج کے بعد ہسپتالوں سے فارغ کر دیا گیا ہے۔

حکام نے اس عالمی و با کو روکنے کے لئے مکمل طور پر لاک ڈاؤن کے ساتھ ساتھ احتیاطی اقدام کئے ہیں۔ سینٹیاگو کے سات اضلاع کو لاک ڈاؤن کردیا گیا ہے ۔ طبی اور ضروری خدمات کو لاک ڈاؤن سے باہر رکھا گیا ہے۔