امریکہ کے نئے صدر جو بائیڈن کو اپنے منصب کی ذمہ داری سنبھالے ایک ماہ سے زائد کا عرصہ گزر چکا ہے، بائیڈن کو اب تک بھی مختلف ممالک کے سربراہوں کے مبارکبادی پیامات آنے کا سلسلہ تاحال جاری ہے۔ تازہ مبارکبادی میں خادمُ الحرمین الشریفین شاہ سلمان بن عبد العزیز نے امریکی صدر جو بائیڈن سے ٹیلیفونک رابطہ قائم کرتے ہوئے امریکی صدر کا منصب سنبھالنے پر مبارک باد دی ہے۔
عرب میڈیا کی خبروں کے مطابق شاہ سلمان بن عبدالعزیز نے جوبائیڈن کو امریکی صدر کا منصب سنبھالنے پر مبارک باد دی ہے۔ ساتھ ہی انہوں نے دونوں ممالک کے درمیان تعلقات کو مزید مضبوط کرنے کی یقین دہانی بھی کروائی ہے۔
امریکی صدر جو بائیڈن نے خطے اور دنیا میں سلامتی اور استحکام کی خواہش کا اظہار کیا ہے۔ شاہ سلمان نے جو بائیڈن سے گفتگو کے دوران خطے کے اہم امور اور مشترکہ مفادات کی پیش رفت پر بھی بات چیت کی۔
