ڈومینک ری پبلکن کے مشن نے ٹویٹ کرکے بتایا کہ عالمی وبا كووڈ -19 پر بحث کے لئے سلامتی کونسل کی جانب سے پہلی میٹنگ کی گئی۔ اس میٹنگ میں اقوام متحدہ کے سکریٹری جنرل انٹونیو گٹیریس نے بھی حصہ لیا۔
ڈومینک ری پبلکن نے کہا ہے کہ کورونا کے پیش نظر سلامتی کونسل کی جانب سے اٹھائے گئے ہر قدم کا وہ خیرمقدم کرے گا۔
وہیں اقوام متحدہ کے سکریٹری جنرل انتونیوگٹیریس نے اس میٹنگ میں کہا کہ كووڈ -19 کی وجہ عالمی امن و سلامتی کے لئے پیدا ہوئے خطرات کو کم کرنے میں سلامتی کونسل کا اہم کردار ہو گا۔ بحران کے اس وقت میں سلامتی کونسل کو اتحاد اور عزم کے ساتھ کام کرنا چاہئے۔
