امریکی وزارت خارجہ کی ترجمان مورگن اورٹاگس نے جمعرات کو ایک بیان میں کہا کہ وزیر خارجہ مائیک پومپيو نے عراق کی پارلیمنٹ کے اسپیکر محمد الحلبوسي سے فون پر بات چیت کرکے سفارت خانے کی حفاظت کے بارے میں اتفاق ظاہر کیا۔
مزید پڑھیں: امریکہ کی اپنی ایئر لائنز کو وارننگ
انہوں نے بغداد میں 31 دسمبر کو امریکی سفارت خانے پر ایران کی حمایت یافتہ دہشت گردوں کی جانب سے کئے گئے حملے کی مذمت کی اور کہا کہ ہمارے سفارتی مشن کے خلاف حملوں کو روکنے کی ذمہ داری عراق حکومت کی ہے۔'
واضح رہے کہ عراقی مظاہرین نے عراق اور شام میں كتائب حزب اللہ شیعہ جنگجوؤں کو نشانہ بنانے والے حالیہ امریکی فضائی حملوں کے خلاف منگل کو بغداد میں واقع امریکی سفارت خانے پر حملہ کرکے اس کی بیرونی باڑ میں آگ لگا دی تھی۔
