وزیراعظم مودی نے نیوجرسی اوربھارت کے بیچ تجارتی رشتے بڑھانے اور لوگوں کے درمیان روابط کی حمایت کرتے ہوئے کہا کہ بھارت اس میں مثبت تعاون کرے گا ۔
گورنر مرفی نے کہا کہ نیوجرسی بھارت کے ساتھ رشتوں کو ترجیح دیتا ہے اور دونوں کے درمیان مضبوط شراکت داری کے لیے کام کرنے کے تئیں عہد بند ہے ۔
دونوں میں یکسانیت کا ذکر کرتے ہوئے انھوں نے کہا کہ نیوجرسی بھارت میں گوناگونیت اور کثرت میں وحدت کا احترام کرتی ہے۔
وزیراعظم نے کہا کہ نیوجرسی میں ہندنژاد امریکیوں کی آباد ی سب سے زیادہ ہے اور وہ بھارتی کاروبار اور سرمایہ کاری کا پسندیدہ مقام ہے۔
انہوں نے سائنس، ٹکنالوجی، انجینئرنگ اور ریاضی اور اعلی تعلیم میں تعاون کی اہمیت پر زور دیا۔
مودی نے نیوجرسی میں ہند نژاد امریکی برادری کی بہبود کے بارے میں گورنر مرفی کی دلچسپی کو سراہا اور کہا کہ یہ بھارت اور امریکہ کے درمیان پل کی طرح ہے۔
گورنربننے کے بعد یہ مرفی کا بھارت کا پہلا دورہ ہے۔ وہ آگرہ، ممبئی، حیدرآباد اور احمدآباد بھی جائیں گے۔
