امریکہ میں یہ وبا بھیانک شکل اختیار کرچکی ہے اور اب تک 13 لاکھ سے زیادہ لوگ اس سے متاثر ہو چکے ہیں۔
جان ہاپکنس یونیورسٹی کے سائنس اور انجینئرنگ سینٹر (سی ایس ایس ای) کی جانب سے جاری کئے گئے تازہ اعداد و شمار کے مطابق امریکہ میں کورونا سے مرنے والوں کی تعداد 80 ہزار سے تجاوز کرکے 80397 پہنچ گئی ہے جبکہ متاثرین کی تعداد 13 لاکھ کا ہندسہ پار کرکے 1347388 ہو گئی ہے۔
امریکہ میں دو لاکھ سے زیادہ لوگ کورونا انفیکشن سے مکمل طور ٹھیک بھی ہوئے ہیں۔ امریکہ کا نیویارك اور نیوجرسی صوبہ کوروناسے سب سے زیادہ متاثر ہے۔ صرف نیویارك میں کوروناکے تین لاکھ سے زیادہ معاملوں کی تصدیق ہو چکی ہے جبکہ 26 ہزار سے زیادہ لوگوں کی موت ہوئی ہے۔
نیوجرسی میں اب تک کوروناانفیکشن کے ایک لاکھ سے زائد کیس سامنے آئے ہیں جبکہ نو ہزار سے زائد افراد کی اس وبا سے موت ہو چکی ہے۔ اس کے علاوہ میسا چوسیٹس، مشی گن، الینایس، کیلی فورنیا، لوزیانا اور پنسلوانیا جیسے صوبے بھی كووڈ -19 کا غضب جھیل رہے ہیں۔ ان تمام صوبوں میں کوروناسے دو ہزار سے زیادہ لوگوں کی موت ہوئی ہے۔
