امریکہ کے ایریزونا ریاست کی ایک جیل میں بند 500 سے زیادہ قیدی کورونا وائرس سے متاثر پائےگئے ہیں۔
ایریزونا اصلاحی محکمے کے مطابق اے ایس پی سی - ٹکسن ویٹ اسٹون جیل میں بند قریب آدھے قیدی یعنی 517 قیدی کورونا سے متاثر پائے گئے ہیں۔سبھی قیدیوں کو الگ الگ علاقوں میں رکھا گیا ہے اور سبھی کا علاج کیا جارہا ہے۔
محکمے کی جانب سے جاری بیان میں کہا گیا ہے کہ جب تک سبھی قیدی ٹھیک نہیں ہوجاتے تب تک انہیں عام آبادی کی طرف جانے کی اجازت نہیں دی جائےگی۔
جان ہاپکنز یونیورسٹی کے سائنس اور انجینئرنگ مرکز(سی ایس ایس ای) کی جانب سے جاری اعدادو شمار کے مطابق کورونا سے امریکہ میں اب تک 4,821,296 لوگ کورونا وائرس سے متاثر ہوچکے ہیں اور 158,170 لوگوں کی موت ہوچکی ہے۔
