میکسیکو: کورونا سے 28 ہزار سے زائد افراد کی موت

میکسیکو میں گزشتہ 24 گھنٹوں کے دوران کووڈ ۔19 سے 741 لوگوں کی موت ہو جانے سے اس وبا سے ہلاک ہونے والوں کی تعداد 28 ہزار سے تجاوز کرکے 28،510 پرپہنچ گئی ہے۔

وزارت صحت کے وبائی امراض کے ڈائریکٹر جوس لوئس الومیا نے بدھ کے روز یہ اطلاع دی ہے۔ اس دوران میکسیکو میں کورونا انفیکشن کے 5،681 نئے کیس سامنے آنے کے بعد متاثرین کی کل تعداد دو لاکھ 31 ہزار 770 ہوگئی ہے۔

اس سے ایک روز قبل لاطینی امریکی ملک میں کورونا انفیکشن کے 5،432 نئے کیس سامنے آئے تھے، جبکہ 648 افراد اس وبا کی وجہ سے ہلاک ہوئے تھے۔ واضح رہے کہ ورلڈ ہیلتھ آرگنائزیشن (ڈبلیو ایچ او) نے 11 مارچ کو کورونا وائرس کو ایک وبا قرار دیا تھا۔

جان ہاپکنس یونیورسٹی کے سائنس اینڈ انجینئرنگ سینٹر(سی ایس ایس ای) کے جاری کردہ تازہ ترین اعدادوشمار کے مطابق دنیا بھر میں کورونا انفیکشن کے 1.06 ملین سے زائد معاملات کی تصدیق ہوچکی ہے جبکہ 5.14 لاکھ سے زائد افراد اس وبا کی وجہ سے ہلاک ہو چکے ہیں۔