55 سالہ ہیرس نے منگل کو اپنی سیاسی تشہیر مہم کی ٹیم کے ساتھ بات کر کے اس سلسلہ میں ٹوئٹ کرکے یہ اطلاع دی۔
ہیرس نے ٹویٹر پر ایک بیان جاری کر کےکہا’’میں انتہائی افسوس اور مکمل تشکر کے ساتھ اپنے حامیوں سے معافی مانگتے ہوئے بتانا چاہتی ہوں کہ میں آج اپنا انتخابی مہم ختم کر رہی ہوں۔ لیکن میں یہ واضح کر دینا چاہتی ہوں کہ یہ مہم کا مقصد ہےعوام کو انصاف دلانا اور اس کے لیے میں روزانہ لڑوں گی‘‘۔
کیلی فورنیا سے ڈیموکریٹک پارٹی کی رکن پارلیمان نے کہا’’صدارتی انتخابات کے انتخابی مہم کو جاری رکھنے کے لئے میرے پاس مالی وسائل نہیں ہیں، میں کوئی ارب پتی نہیں ہوں۔ میں اپنے انتخابی مہم کی فنانسنگ نہیں کر سکتی‘‘۔
ہیرس نے نومبر 2020 میں ہونے والے صدارتی انتخابات کے لئے جب اپنی امیدواری کا اعلان کیا تھا، تب مہم شروع کرنے سے پہلے ہی انہیں یہ سب سے ٹاپ عہدہ کے لئے مضبوط دعویدار کے طور پر دیکھا جا رہا تھا۔
انہوں نے اپنے آبائی شہر آکلینڈ (کیلی فورنیا) میں حامیوں کی بھیڑ کے درمیان اس سال جنوری میں انتخابی مہم کی شروعات کی تھی۔
ڈیموکریٹ رہنما کملا ہیرس صدر ڈونالڈ ٹرمپ کی زبردست ناقد ہیں۔ کیلی فورنیا کی سابق اٹارني جنرل کملا ہیرس 2016 میں پہلی بار امریکی سینیٹ کی رکن چنی گئی تھیں۔
