امریکی صدر جو بائیڈن نے کہا ہے کہ ان کا ملک کووڈ 19 سے نمٹنے کے لئے مختلف طریقوں سے بھارت کی کافی مدد کررہا ہے۔
جو بائیڈن نے وائٹ ہاؤس میں صحافیوں سے کہا کہ 'ہم برازیل کی مدد کر رہے ہیں۔ ہم بھارت کی بھی کافی مدد کر رہے ہیں، میں نے وزیر اعظم نریندر مودی سے بات کی ہے۔'
ہم بھارت کو آکسیجن اور ویکسین تیار کرنے کے کام آنے والی مشینوں کے کچھ پرزے بھیج رہے ہیں۔
انہوں نے کہا کہ یہاں دستیاب ایسٹرا زینیکا ویکسین کینیڈا اور میکسیکو بھیج دی گئی ہے اور دوسرے ممالک کے ساتھ اس کے لئے تبادلہ خیال کیا جا رہا ہے۔
اس موقع پر وائٹ ہاؤس کے پریس سکریٹری جین ساکی نے کہا کہ ایسٹرا زینیکا کو بھارت کے لئے ضروری سپلائی کی ہدایت دی گئی ہے جس سے بھارت کو 2 کروڑ سے زائد خوراکیں ملیں گی۔
(یو این آئی)
