جاپان، امریکہ اور جنوبی کوریا نے شمالی کوریا سے بات چیت کرکے اور اس پر پابندیوں کا دباؤ قائم کرکے اس کے ساتھ ساتھ ایٹمی ہتھیاروں کے خاتمے پر بات چیت جاری رکھنے پر اتفاق ظاہر کیا ہے۔
کیوڈو نیوز ایجنسی نے ذرائع کے حوالے سے یہ رپورٹ دی ہے۔ تینوں ممالک کے اعلیٰ سفارت کاروں نے ٹوکیو میں ایک سہ فریقی میٹنگ کے دوران یہ اتفاق ظاہر کیا۔
اس میٹنگ میں شمالی کوریا کے لیے امریکہ کے خصوصی ایلچی سُنگ کم، جاپانی وزارت خارجہ کے ایشیائی اور اوشین امور کے بیورو چیف تاکی ہیرو فُوناکوشی اور جنوبی کوریائی جزیرہ نما میں امن و سلامتی کے لئے جنوبی کوریا کی وزارت خارجہ کے خصوصی ایلچی کیو ڈُک نے شرکت کی۔ بحث کے اہم موضوعات میں سے ایک کامیاب میزائل تجربات کے بارے میں شمالی کوریا کی جانب سے بیان کا ممکنہ ردعمل تھا۔
یہ بھی پڑھیں: شمالی کوریا کا طویل دوری تک مار کرنے والے کروز میزائل کا تجربہ
واضح رہے کہ شمالی کوریا کی سرکاری خبر رساں ایجنسی کورین سنٹرل نیوز ایجنسی (کے سی این اے) نے پیر کو 15 ہزار کلومیٹر تک مار کرنے کی صلاحیت رکھنے والے کروز میزائلوں کے کامیاب تجربے کی اطلاع دی ہے۔ اس نے بتاکہ ماہرین نے زمین پر میزائل انجنوں کے زور، فلائٹ ٹیسٹ، کنٹرول اور گائیڈنس ٹیسٹ اور کئی دوسرے ٹیسٹ کیے۔ ان سب کے کامیاب ہونے کی اطلاع ہے۔
(یو این آئی)
