امریکہ میں مقیم بھارتی باشندوں نے واشنگٹن ڈی سی میں واقع بھارتی سفارتخانے کے باہر 71 ویں یوم جمہوریہ کا جشن انتہائی دھوم دھام سے منایا۔ ان کا کہنا ہے کہ وہ یہاں اپنے ملک بھارت کے تئیں اظہار محبت کے لیے یکجا ہوئے ہیں۔
وہیں دوسری جانب 10 سے 12 خالستان کے حامیوں نے اس کے بر عکس بھارت مخالف نعرے بازی کی اور سفارتخانے کے باہر ہی بھارتی ترنگے کے علاوہ بھارتی آئین کی کچھ کاپیاں بھی جلانے کی کوشش کی۔
خالستانیوں کی اس کوشش کے رد عمل میں ایک بھارتی نژاد امریکی سکھ شہری نے کہا کہ خالستانی لوگ جعلی سکھ ہیں، وہ اپنے گرو اور سکھ بھائی بہنوں پر فخر کرتے ہیں۔ یہ خالستانی پاکستان کے سیاسی ایجنڈے کے شکار ہیں، کوئی بھی بھارت کی روح کو نقصان نہیں پہنچا سکتا ہے۔
اس موقع پر نہ صرف بھارتی ترنگے کو پھہرایا گیا، بلکہ صدر جمہوریہ رام ناتھ کووند کی تقریر کو بھی پڑھ کر سنایا گیا۔
