مشی گن طیارہ حادثے میں چار افراد ہلاک

وائیک ہوائی اڈے کی طرف جارہا ایک طیارہ راستے میں گر کر تباہ ہو گیا تھا۔ اس میں پانچ مسافر سوار تھے۔

امریکی ریاست مشی گن کے بیور جزیرے پر ہوائی جہاز کے حادثے میں چار افراد کی موت جبکہ صرف ایک 11 سالہ لڑکی زندہ بچ گئی۔

امریکی کوسٹ گارڈ نے ایک ٹویٹ میں کہا کہ ’’ہیلی کاپٹر کے عملے کے ارکان حادثے سے متاثرہ افراد کی مدد کے لیے جائے وقوعہ پر پہنچ گئے۔ وہ ایک 11 سالہ لڑکی اور ایک بالغ شخص کو مشیگن کے پیٹوسکی میں میکلیرن اسپتال لے گئے۔

13 نومبر کو چارلیوئیکس کاؤنٹی شیرف کے دفتر نے اطلاع دی تھی کہ وائیک ہوائی اڈے کی طرف جارہا ایک طیارہ راستے میں گر کر تباہ ہو گیا تھا۔ اس میں پانچ مسافر سوار تھے۔

اگرچہ کوسٹ گارڈ نے پہلے کہا تھا کہ دو مسافر اس حادثے میں بچ گئے تھے لیکن بعد میں حکام نے بتایا کہ لڑکی کے والد سمیت چار افراد ہلاک ہو گئے تھے۔

این بی سی نیوز کے مطابق، یہ ابھی تک واضح نہیں ہے کہ دو انجنوں والا برٹن نارمن طیارہ کس وجہ سے حادثہ کا شکار ہوا تھا۔

(یو این آئی)