امریکہ میں شمالی کیلیفورنیا کے شہر آکلینڈ میں فائرنگ کے مختلف واقعات میں کم از کم دو افراد ہلاک ہوگئے۔
یہ اطلاع مقامی پولیس نے دی ہے۔ پولیس نے بتایا کہ میک آرتھر بولیورڈ میں اتوار کو علی الصبح ایک خاتون مردہ پائی گئی۔ حکام نے واقعہ کے مقام سے ایک بندوق برآمد کی ہے۔
اس واقعہ کے تقریبا 90 منٹ کے بعد ایک شخص بندوق کے ساتھ مردہ پایا گیا۔ پولیس کے مطابق ہلاک ہونے والوں کی شناخت تاحال نہیں ہوسکی ہے۔
قابل ذکر ہے کہ سنہ 2020 میں اس شہر میں ہونے والی فائرنگ کے واقعات میں اب تک 80 سے زیادہ افراد ہلاک ہوچکے ہیں۔
