فیس بک نے کہا ہے کہ اس نے کمپنی کی پالیسیوں کی خلاف ورزی کرنے کی وجہ سے امریکی صدر ڈونالڈ ٹرمپ کے معاون راجر اسٹون سمیت چار لوگوں کے اکاؤنٹ بند کردیئے ہیں۔
کمپنی نے کہا ہے کہ ان اکاؤنٹ کو فرضی، غیر ملکی مداخلت اور غیر معتبرمواد شائع کرنے سے متعلق پالیسیوں کے تحت ہٹایا گیا ہے۔
فیسبک نے بدھ کو بتایا ہے کہ 'اس طرح کی سرگرمیوں کو انجام دینے والے لوگ فرضی اکاؤنٹ کا استعمال کرتے ہیں جن میں سے کچھ کو ہمارے خودکار نظام نے پتہ لگا کر انہیں بند بھی کردیا ہے۔ ہماری جانچ کے مطابق راجر اسٹون اوران کے معاون ایسی سرگرمیوں کوانجام دینے والے نیٹ ورک سے جڑے ہوئے تھے'۔
فیس بک نے کہا ہے کہ ہٹائے گئے اکاؤنٹ کو کنیڈا، اکواڈور، برازیل، یوکرین اور جنوبی امریکی ممالک اور امریکہ میں بنایا گیا تھا۔
