عالمی میڈیا کے مطابق امریکہ میں کورونا وائرس سے مرنے والوں کی تعداد 105 ہو گئی ہے جبکہ مریضوں کی تعداد 6000 ہے۔
دوسری جانب دنیا بھر میں کورونا وائرس سے ہلاکتوں کی تعداد لگ بھگ 8 ہزار کے قریب ہو گئی ہے جبکہ تقریبا 2 لاکھ افراد بیمار ہیں۔
کورونا وائرس کے باعث متعدد ملکوں نے اجتماعات، کھیلوں اور مارکیٹوں سمیت دیگر رش والے مقامات پر پابندی عائد کردی ہے۔
جان ہاپکنز یونیورسٹی نے یہ تفصیلات جاری کی ہیں ۔ یونیورسٹی کے مطابق امریکہ میں منگل تک 97 لوگوں کی موت ہوئی تھی جس کے بعد آٹھ اور لوگوں کے مرنے کے بعد یہ اعداد و شمار 105 تک پہنچ گئی ہے۔
کورونا وائرس سے سب سے زیادہ موت واشنگٹن میں 54، نیویارک میں 12 جبکہ کیلی فورنیا میں 11 ہوئی ہے۔
ویسٹ ورجینیا کے گورنر جم جسٹس نے منگل کی رات کو امریکہ کی تمام 50 ریاستوں میں پر کورونا وائرس کے کیس سامنے آنے کی تصدیق کی ہے۔
قابل غور ہے کہ چین کے صوبہ ہبوئی کے دارالحکومت ووہان سے شروع ہونے والا خوفناک کورونا وائرس کی زد میں دنیا کے 150 سے علاقے ملک آ چکے ہیں اور اس سے متاثرہ 7426 لوگوں کی موت ہوچکی ہے جبکہ اب تک دو لاکھ سے زیادہ لوگ اس وائرس کی زد میں ہیں۔
