کورونا وائرس سے دنیا بھر میں اب تک 41،01،461 کیسز سامنے آئے ہیں جبکہ اس مہلک وبا سے 2،80،400 افراد ہلاک ہوچکے ہیں اور اس وبا کے شکار 14،41،734 مریض صحت یاب ہوئے ہیں۔
دنیا بھر میں کورونا سے سب سے زائد ہلاکتیں امریکہ میں ہوئی ہیں جہاں اس سے ہلاک ہونے والوں کی تعداد 80،037 تک پہنچ گئی ہے جبکہ متاثرہ مریضوں کی تعداد 13،47،309 لاکھ ہوگئی ہے ۔
اس وبأ کے عالمی مرکز چین میں گزشتہ دس دنوں کے دوران 14 نئے کیسز کی تصدیق ہوئی ہے، حیران کن بات یہ ہے کہ چین میں کورونا کے تقریباً 83 ہزار مریضوں میں سے 78 ہزار کے قریب مریض صحتیاب ہوئے ہیں۔
پڑوسی ملک پاکستان میں اس وبأ سے 29،465 افراد متاثر ہوئے ہیں جن میں سے اب تک 639 مریضوں کی موت واقع ہوچکی ہے۔
خلیجی ممالک میں اس وبأ سے سب سے زیادہ متاثر ہونے والے ملک ایران میں مریضوں کی تعداد 1،06،220 ظاہر کی گئی ہے جبکہ 6،589 مریض اس دنیا سے رخصت ہوچکے ہیں اور تقریباً 85،000 مریض صحتیاب ہوئے ہیں۔
