ڈیموکریٹک پارٹی کی جانب سے صدارتی امیدوار جو بائیڈن سیاہ فام کی ہلاکت کے بعد تین روز سے جاری فساد نمٹنے میں ڈونلڈ ٹرمپ انتظامیہ کی ناکامی پر تشویش ظاہر کی۔
جو بائیڈن نے کہا کہ جارج فلوئڈ کے ارکان خاندان سے انہوں نے بات کی اور فلوئڈ کی موت پر اظہار افسوس کیا۔ انہوں نے سیاہ فام شخص کی ہلاکت پر شدید رنج و غم کا اظہار کیا اور انصاف کا مطالبہ کیا۔
گذشتہ پیرکے روز جارج فلوئڈ کی موت اس وجہ سے ہوئی تھا کہ ایک پولیس اہلکار نے کافی دیر تک اپنے پیر کو اس کی گردن پر رکھ دیا تھا۔ اس واقعہ پر امریکی سیاہ فام آبادی میں شدید غم و غصہ دیکھا گیا۔ امریکی صدر ڈونلڈ ٹرمپ نے بھی فلائڈ کی ہلاتک پر افسوس کا اظہار کیا اور واقعہ کو المناک قرار دیا۔
واضح رہے کہ ڈیموکریٹ رہنما جو بائیڈن نے ایک ہفتہ قبل سیاہ فاموں سے متعلق اپنے بیان پر معذرت کی تھی جبکہ جو بائیڈن نے ایک ریڈیو انٹرویو کے دوران کہا تھا کہ اگر کوئی سیاہ فام شخص اس الجھن کا شکار ہے کہ وہ ڈونلڈ ٹرمپ کو ووٹ ڈالے یا بائیڈن کو تو اس کا مطلب یہ ہے کہ وہ سیاہ فام نسل سے تعلق نہیں رکھتا۔ بیان کے چند گھنٹوں بعد جو بائیڈن نے سیاہ فاموں سے معذرت کرلی تھی۔
