اقوام متحدہ کے ترجمان اسٹیفن ڈوجرک نے کہا 'سکریٹری جنرل انٹونیو گٹیرس نے ہر رکن ملک سے اپیل کی ہے کہ وہ عالمی امن کے لیے اپنے اپنے اثر و رسوخ والے علاقوں میں جنگ بندی پر عمل درآمد کے لیے کوششیں تیز کریں'۔
اس سے قبل، اقوام متحدہ کی سلامتی کونسل نے متفقہ طور پر ایک قرارداد منظور کی تھی جس میں تمام ممالک سے عالمی جنگ بندی پر عمل درآمد کرنے کی اپیل کی گئی تھی۔ یہ کورونا وائرس (کووڈ 19) کی وبا کے خلاف جاری لڑائی پر توجہ مرکوز کرنے کے نظریہ سے کیا گیا ہے۔
قرارداد کے مطابق، سلامتی کونسل نے دنیا بھر میں مسلح جدو جہد سے جڑے سبھی فریقوں سے انسانی بنیاد پر فوری اثر سے کم سے کم 90 دنوں کے لیے عالمی جنگ بندی نافذ کرنے اپیل کی ہے۔ سلامتی کونسل نے کہا کہ اس مشکل وقت کے دوران کووڈ 19 کے خلاف جاری لڑائی پر توجہ دینے کی ضرورت ہے۔
اس تجویز میں واضح طور پر ذکر کیا گیا ہے کہ سلامتی کونسل کی فہرست میں شامل اسلامی اسٹیٹ، القاعدہ اور النصرہ فرنٹ کے علاوہ دہشت گرد تنظیموں کے خلاف فوجی کاروائیاں جاری رہیں گی۔
یہ بھی پڑھیں: کورونا کے خلاف جاری جنگ میں عدم تعاون باعث تشویش
یہ تجویز فرانس اور تیونس کی جانب سے پیش کی گئی تھیں۔ کوڈ - 19 پر عالمی ادارہ صحت (ڈبلیو ایچ او) کے کردار کے بارے میں امریکہ اور چین کے مابین معاہدہ نہ ہونے کی وجہ سے یہ تجویز اپریل سے زیر التوا ہے۔
