یوٹاہ ہائیوے پر پٹرولنگ کے دوران ایک پولیس اہلکار اس وقت حیرت زدہ رہ گیا جب ایک کار کو 5 سالہ بچہ تیز رفتاری سےچلا رہا تھا، پولیس اہلکار کو محسوس ہوا کہ بچے کو طبی سہولیات کی ضرورت ہے لیکن جب پولیس نے بچے سے سوال کیا تو وہ حیرت زدہ رہ گیا۔
ٹروپر ریک مورگن کا کہنا ہے کہ ایڈرین زمرپا نامی بچہ جو اگلے ماہ 6 سال کی عمر کا ہو جائے گا، اس نے ٹروپر کی روشنی کا کوئی جواب نہیں دیا لیکن اوگڈن میں انٹراسیٹیٹ 15 پر جب ٹروپر نے سائرن مارا تو وہ وہاں رگ گیا۔
مورگن کا کہنا ہے کہ پہلے سے پتہ چل رہا تھا کہ کوئی بچہ کار چلا رہا تھا کیوں کہ اسٹیرینگ سے اس کا چہرہ چھیپا ہوا تھا، جب کار ڈرائیور نے گھڑکی کھولی تو پولیس نے دیکھا کہ لڑکا بریک پیڈل تک پہنچنے کے لئے اپنی سیٹ کے کنارے بیٹھا تھا۔
جب پانچ سالہ لڑکے سے پولیس نے سوال کیا تو لڑکے نے کہا کہ وہ کیلیفورنیا میں اپنی بہن کے گھر جارہا ہے۔
لڑکے نے ایک دوسرے ٹروپر کو بتایا کہ جب وہ وہاں پہنچے گا تو وہ لیمبوروگھینی خریدے گا اور پھر اس نے اپنا بٹوہ کھول کر دکھایا جس میں اس کی خواب والی کار خریدنے کے لئے نقد 3 امریکی یو ایس ڈی ڈالر تھے۔
اس واقعے کے جواب میں لیمبوروگھینی کے سی ای او اسٹیفانو ڈومینیکلی نے اڈرین کو کہا کہ معاملات کو اپنے ہاتھوں میں لینے کی بجائے اپنے والدین سے اپنے خواب والی گاڑی کے لئے درخواست کریں۔
اٹلی کے سینٹ اگاٹا بولونیس میں واقع کمپنی کی فیکٹری سے سی ای او نے رکارڈیڈ ویڈیو میں کہا کہ احتیاط کریں اور اپنے والدین سے کار خریدنے کی درخواست کریں بجائے اس کے کہ آپ اس طرح کار چلائیں جبکہ آپ کو کار چلانے کی اجازت نہیں ہے۔
ایڈرین کی بہن سیڈنی ایسٹراڈا نے ڈیسرٹ نیوز کو بتایا کہ وہ طویل عرصے سے لیمبوروگھینی کا مالک بننے کا خواہاں ہے اور لگژری اسپورٹس کاروں کی ریسنگ کی ویڈیوز دیکھنے میں گھنٹوں وقت گزارتا ہے۔
اس کے بعد لیمبوروگھینی کے ایک مقامی مالک نے ایڈرین کو اس کار کی سواری کرائی۔
