گھانا: سونے کی کان دھنسنےسے 3 افراد ہلاک

کان میں اب بھی کم از کم 40 افراد پھنسے ہوئے ہیں۔

مغربی افریقی ملک گھانا میں غیر قانونی سونے کی کان دھنسنے کے بعد 3 افراد ہلاک ہوگئے اور 15 دیگر افراد ملبے کے نیچے پھنس گئے۔

ماڈرن گھانا نیوز نے اپنی رپورٹ میں یہ اطلاع دی ہے۔

میڈیا رپورٹ کے مطابق بدھ کے روز پیش آنے والے حادثے کے بعد دو افراد کو بچا لیا گیا ہے اور انھیں تشویشناک حالت میں اسپتال میں داخل کرایا گیا ہے۔

دیگر میڈیا رپورٹوں کے مطابق کان میں اب بھی کم از کم 40 افراد پھنسے ہوئے ہیں۔

ابھی تک کان کے دھنسنے کی وجوہات کا پتہ نہیں چل سکا ہے۔

(یو این آئی)