جنوبی افریقہ کے صدر سرل رامافوسا نے ملک میں کورونا وائرس کے نئے اسٹرین کا معاملہ سامنے آنے کے بعد کرفیو بڑھانے اور ماسک لگانے سمیت سخت پابندیاں نافذ کیے جانے کا اعلان کیا ہے۔
صدر کی ویب سائٹ پر جاری بیان کے مطابق، نئے کورونا اسٹرین کی یہ پہلی لہر ہے اور اس سے متعدد لوگ متاثر ہوسکتے ہیں۔ اس لیے حکومت نے کرفیو بڑھانے کا فیصہ کیا ہے جس کی مدت رات نو بجے سے صبح چھ بجے تک رہے گی۔ اس کے ساتھ ہی ماسک پہننا اب لازمی ہوگا اور اس کی خلاف ورزی کرنے والوں کو چھ مہینے تک کی سزا یا جرمانے یا دونوں ہی ایک ساتھ بھگتنا پڑ سکتا ہے۔
یہ بھی پڑھیں: سنہ 2020 میں کون کون سی عالمی شخصیات کا ہوا انتقال؟
بیان میں کہا گیا ہے کہ آخری رسومات کو چھوڑ کر عوامی تقریب 14 دن کے لیے ممنوعہ رہیں گی اور شراب کی دکانیں بند رہیں گی۔ نئی پابندیوں کو 15 جنوری تک کے لیے نافذ کیا گیا ہے اور اس کے بعد حالات کا جائزہ لیا جائے گا۔
جنوبی افریقہ میں کورونا انفیکشن کے اب تک 1011871 معاملے سامنے آئے ہیں اور 27071 لوگوں کی اس وبا سے موت ہوچکی ہے۔
