جنوبی افریقہ کرکٹ ٹیم کے کپتان فاف ڈو پلیسس اور خاتون ٹیم کی کپتان ڈین وان نكرک کو جنوبی افریقہ میں سال کا بہترین کرکٹر منتخب کیا گیا ہے۔
جنوبی افریقہ نے ایک تقریب میں دونوں کھلاڑیوں کو ایوارڈ سے نوازا۔
واضح رہے کہ ڈو پلیسس یہ ایوارڈ جیتنے والے 11 ویں کھلاڑی بنے اور ایلیٹ فہرست میں شامل ہوگئے ہیں ۔
اس سے قبل سابق کپتان گریم اسمتھ، اے بی ڈی ویلیئرز، آل راؤنڈر شان پولاک، جیکس کیلس، مکھایا اینتنی، اور ڈیل اسٹین یہ ایوارڈ حاصل کرچکے ہیں۔
اس کے علاوہ ڈو پلیسس کو یک روزہ کرکٹر آف دی ایئر اور جنوبی افریقہ پلیئرآف دی ایئرکے ایوارڈ سے بھی نوازا گیا ہے۔
وکٹ کیپر بلے باز كوئنٹن ڈی كاک کو ٹیسٹ پلیئر 'آف دی ایئر'، اور مڈل آرڈر کے بلے باز ڈیوڈ ملر کو ٹی 20 بین الاقوامی کرکٹر آف دی ایئرکے ایوارڈ سے نوازا گیا ہے۔
جبکہ كیگسو ربادا کو جنوبی افریقہ کا فینس پلیئرآف دی ایئر منتخب کیا گیا۔
گذشتہ برس اکتوبر میں بین الاقوامی کرکٹ میں قدم رکھنے والے رسیوسن ڈر ڈسین کو انٹرنیشنل نيو كمر آف دی ایئر ایوارڈ نوازا گیا تھا۔
