لیبیا میں پولیٹیکل ڈائیلاگ فورم نے ایک ہفتہ کے اندر آن لائن بات چیت شروع کرنے پر اتفاق کا اظہارکیا ہے۔ لیبیا اقوام متحدہ امدادی مشن کی سربراہ وقائم مقام خصوصی ایلچی اسٹیفنی ولیمس نے اتوار کی شب صحافیوں کو یہ اطلاع دی۔
انہوں نے کہا کہ 'ہم اس مسئلہ پر کام جاری رکھیں گے۔ ہم آئندہ ہفتہ ہونے والی میٹنگ میں اس پر تبادلہ خیال کرنے جارہے ہیں۔ مجھے توقع ہے کہ ممبروں کے انتخاب کے لیےجلد ہی فیصلہ کرلیا جائے گا'۔
محترمہ ولیمس نے کہا کہ اب تک کہ بات چیت میں اچھی پیش رفت ہوئی ہے اور اگلی میٹنگ ویڈیو کانفرنسگ کے ذریعہ ہوگی۔
انہوں نے کہا کہ 'ہمیں ابھی بھی بہت کام ہے۔ ہم ایک ہفتہ میں ورچوئل میٹنگ کے لیے متفق ہوئے ہیں۔ آنے والے دنوں میں میں نے فورم کو انتخاب کے لیے آئینی بنیاد پر ایک کمیٹی بنانے کے لیے ممبروں کاانتخاب کرنے کے لیے کہا ہے'۔
