طیارہ حادثہ میں نائیجیریا کے فوجی سربراہ ہلاک

طیارہ کے حادثے میں مجموعی طور پر 12 افراد ہلاک ہوئے ہیں۔

نائجیریا کی وسطی ریاست کادونا میں پیش آنے والے طیارہ حادثے میں فوجی سربراہ لیفٹیننٹ جنرل ابراہیم الطاہرو کی موت ہوگئی ہے۔ یہ اطلاع فوج نے ایک بیان میں دی ہے۔

نائجریائی فوج نے اپنے آفیشل ٹویٹر پیج پر کہا کہ "فوج کو یہ اعلان کرتے ہوئے بہت افسوس ہورہا ہے کہ ایک طیارہ حادثہ میں ہمارے فوجی سربراہ لیفٹیننٹ جنرل ابراہیم الطاہرو کی موت ہوگئی ہے۔ یہ حادثہ ریاست کادونا میں پیش آیا،جس میں پائلٹ کے علاوہ 10 اہلکار بھی جاں بحق ہوگئے ہیں۔

وینگارڈ نیوز ایجنسی کے مطابق طیارہ کے حادثے میں مجموعی طور پر 12 افراد ہلاک ہوگئے ہیں۔ طیارہ حادثے کی وجوہات کا ابھی تک پتہ نہیں چل سکا ہے۔

(یو این آئی)