افریقی ملک کانگو میں ایبولا بخار کے کیسز بڑھ کر پانچ ہو گئے ہیں۔
ورلڈ ہیلتھ آرگنائزیشن (ڈبلیو ایچ او) کے علاقائی دفتر کے مطابق اب تک اس انفیکشن سے تین افراد کی موت ہوچکی ہے۔
صوبہ شمالی کیو کے شہر بینی میں اکتوبر کے اوائل میں ایبولا بخار کا نیا معاملہ سامنے آیا تھا۔ ملک میں گزشتہ ہفتہ ایبولا ویکسینیشن کی شروعات ہوئی ہے۔
ڈبلیو ایچ او کے علاقائی دفتر نے ٹویٹ کیا کہ "کانگو میں ایبولا کی صورتحال کے بارے میں رپورٹ: پانچ کیسز کی تصدیق، 3 اموات جبکہ اس انفیکشن کی زد میں آنے والے 386 افراد کی نشاندہی کی گئی ہے"۔
یہ بھی پڑھیں: کانگو میں شدت پسندوں کا حملہ، 10 افراد کی موت
ڈبلیو ایچ او کے مطابق ملک میں اب تک 116 افراد کو ایبولا کے خلاف ویکسین دی جا چکی ہے جن میں 24 ہیلتھ ورکرز بھی شامل ہیں۔
(یو این آئی)
