امریکہ میں مقیم بھارتی حکومت کے ایک اہلکار کے مطابق ، اتوار کی صبح تین سو سے زیادہ آکسیجن کونسنٹریٹرز نیویارک سے بھارت روانہ کردیئے گئے ہیں۔
ایئر انڈیا کا102A نیویارک کے جان ایف کینیڈی بین الاقوامی ہوائی اڈے سے پانچ ٹن (5000 کلوگرام) آکسیجن کونسنٹریٹرز کو سامان کے طور پر لے جا رہا ہے اور پیر کی دوپہر تک دہلی میں اترنے والا ہے۔
وسیع احاطے والا مسافر طیارہ 15 گھنٹے سے زیادہ کے لئے نان اسٹاپ چلے گا۔ بھارت میں مہلک کووڈ-19 کی لہر دیکھنے میں آرہی ہے ، جبکہ پچھلے کچھ دنوں سے ملک میں روزانہ 3 لاکھ سے زیادہ کیس رپورٹ ہوئے ہیں۔
کووڈ-19 انفیکشن میں تباہ کن اضافے کے دوران ملک کو آکسیجن کی شدید کمی کا سامنا ہے۔
امریکہ میں مقیم بھارتی سرکاری اہلکار نے میڈیا کو بتایا۔
"اس کھیپ کے علاوہ جو فلپس اٹلانٹا کے ذریعہ بھیجا گیا ہے ، علاوہ ازیں آکسیجن کونسنٹریٹرز لے جانے والی اضافی پروازیں سین فرانسسکو اور نیوارک سے سینکڑوں کی کھیپ نقل و حمل کے لئے روانہ ہوں گی۔ امریکہ سے بھارت جانے والی اگلی پرواز نیوارک ایئرپورٹ سے روانہ ہوگی اور وہ دہلی میں 27 اپریل کو لینڈ ہوگی، "
عہدیدار نے یہ بھی نوٹ کیا کہ یونائٹد اسٹیٹ اور ایئر انڈیا میں بھارتی مشن کو امریکہ میں مقیم ڈونرز سے درخواستیں اور انکوائری حاصل ہو رہی ہے کہ وہ نہ صرف کونسنٹریٹرز لے جائیں بلکہ آکسی میٹرز سمیت دیگر طبی سامان بھی لے جائیں۔
ذرائع کا مزید کہنا تھا ، "بھارتی امریکی برادری ، این جی اوز اس کی تحقیق کرررہے ہیں کہ یہ سامان ان لوگوں تک پہنچے، جن پر بھارت میں وبائی امراض کا سب سے زیادہ اثر پڑتا ہے۔"
اس سے قبل امریکی صدر جو بائیڈن نے کہا تھا کہ امریکہ بھارت کو "مدد" کرنے کے لئے پرعزم ہے کیونکہ اسے ایک غیر معمولی کووڈ-19 بحران کا سامنا ہے۔ بائیڈن نے ٹویٹ کیا ، "جس طرح بھارت نے وبائی امراض کے آغاز میں ہماری مدد کی تھی جب ہمارے اسپتال دباؤ میں تھے اس وقت امریکہ کو امداد بھیجی۔
امریکہ نے اعلان کیا ہے کہ وہ کوویشیلڈ ویکسین کی بھارت میں تیاری کے لئے درکار خام مال فراہم کرے گا۔ یہ اعلان قومی سلامتی کے مشیر جیک سلیوان نے بھارتی ہم منصب اجیت ڈووال کے ساتھ فون پر بات کرنے کے بعد کیا، جس میں کووڈ 19 معاملات میں حالیہ اضافے کے بعد بھارت کے عوام سے گہری ہمدردی کا اظہار کیا گیا۔
اتوار کے روز بھارت میں گزشتہ 24 گھنٹوں کے دوران 3،49،391 نئے کووڈ 19 واقعات اور 2،767 اموات کی اطلاع ملی۔ مرکزی وزارت صحت کے مطابق ، پانچ ریاستیں مہاراشٹرا ، اترپردیش ، کرناٹک ، گجرات اور کیرالہ - کیسوں میں 54 فیصد حصہ ڈالتی ہیں۔
