اداکار تمنا بھاٹیہ نے اپنی شادی کی افواہوں پر ایک پوسٹ شیئر کرتے ہوئے اپنی خاموشی توڑی ہے اور اپنے 'کاروباری شوہر' سے مداحوں کو روبرو کرایا ہے۔دراصل اداکارہ نے انسٹاگرام اسٹوری میں ایک میڈیا پیج کے ذریعہ شیئر کیے گئے ویڈیو کو ری پوسٹ کیا ہے، جس میں نظر آرہا ہے کہ تمنا سبز رنگ کی ساڑھی میں کمرے میں داخل ہو کر دروازہ بند کردیتی ہیں۔ اس ویڈیو میں لکھا ہوا ہے ' تمنا بھاٹیہ کی شادی کی افواہیں۔ کیا وہ کسی بزنس مین سے شادی کر رہی ہیں، کون انہیں لبھانے کی کوشش کر رہا ہے؟'۔Tamannah Introduces Her Husband
- " class="align-text-top noRightClick twitterSection" data="
">
انسٹاگرام اسٹوریز پر یہ کلپ شیئر کرتے ہوئے تمنا لکھتی ہیں ' کیا سچ میں؟؟؟'۔ اس کے بعد تمنا نے ایک اور ویڈیو پوسٹ کی۔ اس مختصر کلپ میں ' اداکارہ مرد کے لباس اور مونچھوں میں نظر آئیں'۔تمنا نے سفید ٹی شرٹ، سبز جیکٹ، گہرے رنگ کی پینٹ اور سفید جوتے پہن رکھے تھے۔ یہ دوسرا ویڈیو دراصل پہلے ویڈیو کا ہی حصہ ہے جس میں وہ کمرے میں داخل ہو کر دروازہ بند کردیتی ہیں اور اب اس دوسرے ویڈیو میں وہ مرد کے لباس میں تیار ہوکر دروازہ سے باہر نکلتی ہیں۔ اس ویڈیو کے کیپشن میں لکھا کہ ' اپنے بزنس مین شوہر سے روبرو کروا رہی ہوں'۔ اس کیپشن کے ساتھ بہت سارے ہنسنے والے ایموجیز بھی نظر آرہے ہیں۔ اس کے ساتھ اداکار نے ہیشٹیگز کا استعمال کرتے ہوئے لکھا ' شادی کی افواہیں' اور ' ہر کوئی میری زندگی کی اسکرپٹ لکھ رہا ہے'۔ Tamannah Bhatia Wedding Rumours
اس سے قبل کئی رپورٹس میں دعویٰ کیا گیا تھا کہ تمنا ممبئی کے ایک بزنس مین کے ساتھ شادی کے بندھن میں بندھنے والی ہیں۔ کئی میڈیا اداروں نے تمنا کی شادی کے حوالے سے خبریں بھی بنائیں۔ حال ہی میں تمنا نے ایک نیوز چینل کو بتایا کہ ' میں فی الحال شادی کرنے کے موڈ میں نہیں ہوں۔ میرا کیرئیر اس وقت بہت اچھا جارہا ہے اور میں اپنے کیرئیر پر توجہ دینا چاہتی ہوں'۔
مداحوں نے حال ہی میں تمنا کو کامیڈی فلم ببلی باؤنسر میں دیکھا، جس کی ہدایت کاری مدھر بھنڈارکر نے کی تھی۔ اس میں ساحل وید، سوربھ شکلا اور ابھیشیک بجاج نے بھی مرکزی کردار ادا کیے تھے۔ فلم کا پریمیئر اوٹی ٹی پلیٹ فارم ڈزنی پلس ہاٹ اسٹار پر ہوا۔ وہ ششانک گھوش کی ہدایت کاری میں بنی فلم پلان اے پلان بی میں بھی نظر آئی تھیں۔ اس میں رتیش دیش مکھ، پونم ڈھلون اور کشا کپیلا بھی اہم کردار میں تھیں۔ پلان اے پلان بی کو رجت اروڑہ (فنک یور بلیوز انٹرٹینمنٹ پرائیویٹ لمیٹڈ)، ترلوک ملہوترا اور کے آر ہریش (انڈیا اسٹوریز میڈیا اینڈ انٹرٹینمنٹ پرائیویٹ لمیٹڈ) نے تیار کیا تھا۔ یہ فلم 30 ستمبر کو نیٹ فلکس پر ریلیز ہوئی تھی۔
