حیدرآباد: سپر اسٹار شاہ رخ خان کی بیٹی سہانا خان نے بھارت سے دور بیرون ممالک میں چھٹیاں گزار رہی ہیں۔ اداکارہ نے اپنی چھٹیوں سے ایک شاندار تصویر شیئر کی۔ ابھرتی ہوئی اداکارہ جو سوشل میڈیا پر سرگرم ہیں، اپنے فالوورز کے ساتھ اپنی چھٹی کی ایک جھلک انسٹاگرام اسٹوریز پر شیئر کی اور اپنے مداحوں کو یہ اندازہ لگانے کو کہا کہ وہ اپنی چھٹیاں کہاں گزار رہی ہیں۔Suhana Khan Vacation Pics
منگل کو سوہانا نے انسٹاگرام اسٹوریز پر ایک شاندار تصویر شیئر کی۔ سہانا اس تصویر میں مہرون رنگ کے باڈی کان لباس میں بہت خوبصورت لگ رہی ہیں۔ اس کے ساتھ انہوں نے ایک خوبصورت لاکیٹ بھی پہن رکھا ہے۔
تصویر شیئر کرتے ہوئے سہانا نے اپنے فالوورز سے پوچھا کہ 'کیا آپ اندازہ لگا سکتے ہیں کہ میں کہاں ہوں؟' سہانا کی سورج کی سنہری روشنی میں لی گئی اس تصویر کو دیکھ کر لگتا ہے کہ شاہ رخ خان کی صاحبزادی اس وقت امریکہ میں چھٹیاں گزار رہی ہیں۔ جیسا کہ تصویر میں دیکھا جاسکتا ہے کہ سہانا کونسولیڈیٹیڈ ایڈیسن بلڈنگ کے سامنے پوز دیتی ہوئی نظر آرہی ہیں، جو نیویارک سٹی کے مین ہیٹن کے گرامرسی پارک میں واقع ایک مشہور فلک بوس عمارت ہے'۔
سہانا کو گزشتہ ہفتے ممبئی ایئرپورٹ پر دیکھا گیا تھا۔ اس وقت تک یہ نہیں معلوم تھا کہ وہ کہاں جارہی ہیں لیکن اب اپنی تازہ ترین سوشل میڈیا پوسٹ کے ساتھ سہانا نے اپنے مداحوں کو بتادیا ہے کہ وہ امریکہ میں چھٹیاں گزار رہی ہیں۔
واضح رہے کہ سہانا زویا اختر کی آئندہ فلم دی آرچیز کے ساتھ اپنی اداکاری کا آغاز کرنے کے لیے تیار ہے۔ اس فلم میں سری دیوی اور بونی کپور کی چھوٹی بیٹی خوشی کپور اور امیتابھ بچن کے نواسی اگستیہ نندا نے بھی کام کیا ہے۔ اپنی پہلی فلم کے علاوہ سہانا اگستیہ کے ساتھ اپنے رشتے کی وجہ سے بھی سرخیوں میں ہیں۔
