حیدرآباد: بالی ووڈ کی مشہور جوڑی کیارا اڈوانی اور سدھارتھ ملہوترا اس وقت اٹلی کے ایملفی میں چھٹیاں گزار رہے ہیں، جہاں سے ان دونوں کی ایک ویڈیو وائرل ہوئی ہے۔ کیارا نے اٹلی میں اپنی 31ویں سالگرہ اپنے شوہر کے ساتھ منائی۔ جوڑے کو آخری بار جمعرات کی رات دیر گئے ممبئی ہوائی اڈے پر دیکھا گیا تھا۔ اب اس جوڑے کی ایک نئی ویڈیو سامنے آئی ہے جس میں انہیں ایک بڑی ٹرولی بیگ پکڑے ہوئے دیکھا جاسکتا ہے۔Sidharth and Kiara vacation video
انسٹاگرام پر ایک فین پیج کی جانب سے جوڑے کی چھٹیاں گزارنے کی ایک ویڈیو شیئر کی گئی ہے۔ سدھارتھ اور کیارا سورج کی تیز روشنی میں دو بڑے بھاری ٹرالی بیگ کو پکڑے نظر آرہے ہیں۔ انہیں اپنی ایک دوست کے ساتھ دیکھا گیا ۔ اس ویڈیو میں کیارا سفید ڈریس میں نظر آئیں جبکہ سدھارتھ پیلے رنگ کی شرٹ اور پینٹ میں نظر آئے۔
ویڈیو پر ردعمل ظاہر کرتے ہوئے ایک سوشل میڈیا صارف نے تبصرہ کیا کہ' اتنے بھاری بیگ، سدھارتھ شوہر کی ڈیوٹی نبھا رہے ہیں'۔ اس کے علاوہ منگل کے روز کیارا نے اپنی انسٹاگرام اسٹوری پر چھٹی سے اپنی ایک تصویر شیئر کی۔ تصویر شیئر کرتے ہوئے کیارا نے لکھا کہ 'اتنا پیارا دن'۔
واضح رہے کہ کیارا جلد ہی فلم گیم چینجر میں رام چرن کے ساتھ نظر آئیں گی۔وہ ریتک روشن اور جونیئر این ٹی آر کے ساتھ ایکشن تھرلر فلم وار 2 میں بھی نظر آئیں گی۔ وہیں سدھارتھ پشکر اوجھا اور ساگر امبری کی ہدایت کاری میں بنی فلم یودھا میں نظر آئیں گے۔ اس کے علاوہ وہ ویب سیریز انڈین پولیس فورس کے ساتھ ڈیجیٹل پلیٹ فارم میں قدم رکھنے والے ہیں۔
