SRK Old Video Viral: سہانا خان کیلئے ڈائری لکھنے کے بعد شاہ رخ خان کا پرانا ویڈیو وائرل

سہانا خان نے حال ہی میں بتایا کہ انہیں اپنے والد شاہ رخ خان کی جانب سے اداکاری پر ایک ڈائری تحفے پر ملی ہے، جس کے بعد اب شاہ رخ خان کا ایک پرانا ویڈیو وائرل ہورہا ہے جس میں اداکار یہ انکشاف کرتے ہوئے نظر آرہے ہیں کہ وہ اپنی بیٹی سہانا خان کے لیے ڈائری لکھ رہے ہیں۔ اس ویڈیو میں انہوں نے کہا کہ وہ چاہتے ہیں کہ سہانا اداکارہ بنیں۔ SRK Old Video Viral

اداکار شاہ رخ خان اپنے بچوں کے بہت قریب ہیں اور انہوں نے اپنی بیٹی سہانا خان کے لیے ایک ڈائری لکھی ہے۔ وہ سہانا کے لیے یہ ڈائری سال 2014 سے لکھ رہے ہیں۔ حال ہی میں سہانا نے سوشل میڈیا پر اینی ڈائری بک کی ایک جھلک شیئر کی۔ اس پوسٹ کے چند گھنٹے بعد ہی شاہ رخ کا ایک پرانا انٹرویو سامنے آیا ہے جس میں وہ اس جریدے کے بارے میں بات کرتے نظر آرہے ہیں۔ اب یہ ویڈیو انٹرنیٹ پر گردش کر رہا ہے۔SRK Old Video Viral

یہ ویڈیو انوپم کھیر کے ایک شو کا ہے جس میں شاہ رخ خان نے بطور مہمان خصوصی شرکت کی ہے۔ اس ایپی سوڈ میں انہوں نے سہانا خان کے لیے خصوصی ڈائری لکھنے کے بارے میں کھل کر بات کی۔ انہوں نے کہا کہ 'میں واقعی چاہتا ہوں کہ میری بیٹی ایک اداکارہ بنے۔ اس لیے میں نے فیصلہ کیا ہے کہ کوئی اور میری بات نہیں سنتا اور میری بیٹی ابھی بڑی ہورہی ہے اور اس لیے میں ان کے لیے ایک کتاب لکھ رہا ہوں جو وہ شاید پڑھے۔ جب بھی اداکاری کے بارے میں میرے دل میں کوئی بات آتی ہے تو میں اسے لکھ دیتا ہوں'۔

• To Suhana... on Acting... by Papa 💞@iamsrk Papa has been writing it since 2014, his heartfelt advice & practical experiences for his little girl 🤌🏼
  
  Heart is so filled to the full brim & eyes are so moist seeing this precious sight 😭💖#SuhanaKhanpic.twitter.com/7jsU8m3Gmd

  — ❥ Sнαн ᏦᎥ Ᏸ𝐢ω𝐢 𓀠 (@JacyKhan) December 20, 2022 " class="align-text-top noRightClick twitterSection" data="

  To Suhana... on Acting... by Papa 💞@iamsrk Papa has been writing it since 2014, his heartfelt advice & practical experiences for his little girl 🤌🏼
  
  Heart is so filled to the full brim & eyes are so moist seeing this precious sight 😭💖#SuhanaKhanpic.twitter.com/7jsU8m3Gmd

  — ❥ Sнαн ᏦᎥ Ᏸ𝐢ω𝐢 𓀠 (@JacyKhan) December 20, 2022

  ">

  To Suhana... on Acting... by Papa 💞@iamsrk Papa has been writing it since 2014, his heartfelt advice & practical experiences for his little girl 🤌🏼
  
  Heart is so filled to the full brim & eyes are so moist seeing this precious sight 😭💖#SuhanaKhanpic.twitter.com/7jsU8m3Gmd

  — ❥ Sнαн ᏦᎥ Ᏸ𝐢ω𝐢 𓀠 (@JacyKhan) December 20, 2022

وہیں انوپم کھیر نے شاہ رخ سے تصدیق کی کہ کیا یہ کتاب صرف سہانا کے لیے ہے۔ جس پر شاہ رخ نے زور دیتے ہوئے کہا کہ 'ہاں، صرف اس کے لیے'۔ انہوں نے مزید کہا کہ 'میں اپنے ذاتی تجربات کو مختصر 3 سے 4 لائنوں میں لکھ دیتا ہوں۔ میں اسے اس کے لیے لکھنا چاہتا ہوں کیونکہ مجھے کسی کو یہ بتانے کی ضرورت ہے کہ میں کیسے کام کرتا ہوں۔ جب میں اپنے ساتھی اداکاروں سے اس کے بارے میں بات کرنے کی کوشش کرتا ہوں تو وہ اس (بات چیت) سے گریز کرتے ہیں۔ اس لیے میں چاہتا ہوں کہ میری بیٹی وہ کتاب پڑھے اور اس سے سیکھے'۔

سہانا کی طرف سے شیئر کی گئی تصویروں کو دیکھتے ہوئے ڈائری کے پہلے صفحے پر لکھا تھا کہ' 'یہ جریدہ سہانا خان کا ہے، پاپا کی طرف سے'، وہیں دوسرے صفحہ پر لکھا تھا' اداکاری پر'۔

چار تصویروں کو شیئر کرتے ہوئے انہوں نے لکھا کہ 'ٹیوسڈے انسپریشن'۔ جیسے ہی سہانا نے یہ تصویر پوسٹ کی، اس کے فورا بعد شاہ رخ خان نے اس پوسٹ پر تبصرہ کرتے ہوئے لکھا کہ ' وہ سب کچھ جو میں اداکاری کے بارے میں نہیں جانتا ہوں میں نے اسے تمہارے سیکھنے کے لیے اس میں لکھا دیا ہے اور اب تم مجھے وہ سب واپس سکھانا میرے چھوٹے بچے'۔

سہانا ہدایتکار زویا اختر کی آنے والی فلم دی آرچیز سے بالی ووڈ میں ڈیبیو کریں گی۔ اس میں اگستیہ نندا بھی ہیں جو امیتابھ بچن کے نواسے ہیں۔ بونی کپور اور آنجہانی اداکارہ سری دیوی کی سب سے چھوٹی بیٹی خوشی کپور بھی اس فلم کا حصہ ہوں گی۔ دی آرچیز اگلے سال نیٹفلکس پر ریلیز ہوگی۔