حیدرآباد: بالی ووڈ کے 'بادشاہ' چار سال بعد بڑے پردے پر واپس کر رہے ہیں۔ شاہ رخ خان کے مداح سال 2023 کا بے صبری سے انتظار کر رہے ہیں۔ کیونکہ سال 2023 میں شاہ رخ خان کی تین بڑی فلمیں 'پٹھان'، 'جوان' اور 'انکی' ریلیز ہونے والی ہیں۔ ایسے میں شاہ رخ خان نے اپنی فلم کے حوالے سے ایک پوسٹ شیئر کر کے مداحوں کی بے چینی میں مزید اضافہ کر دیا ہے۔ دراصل شاہ رخ نے سعودی عرب سے ایک ویڈیو پوسٹ کی ہے۔SRK Schedule Wrap in Saudi
شاہ رخ خان نے جو ویڈیو شیئر کی ہے اس میں انہوں نے بتایا ہے کہ انہوں نے فلم 'ڈنکی' کی شوٹنگ مکمل کر لی ہے۔ اس ویڈیو میں شاہ رخ نے فلم 'ینکی' کے ہدایت کار راجکمار ہیرانی کا شکریہ ادا کیا ہے۔ ویڈیو میں شاہ رخ بولتے نظر آ رہے ہیں کہ 'ڈنکی' کی شوٹنگ کا شیڈول ختم ہو گیا ہے۔ ویڈیو کے ساتھ ہی شاہ رخ نے کیپشن دیا ہے' سعودی عرب کے وزارت ثقافت کے ساتھ ڈنکی کی ٹیم اور ان تمام لوگوں کا بہت شکریہ جنہوں نے ڈنکی کے شیڈول کو اتنا آرام دہ بنایا۔
- " class="align-text-top noRightClick twitterSection" data="
">
شاہ رخ خان نے ویڈیو میں مزید کہا کہ'شوٹنگ کا شیڈول مکمل کرنے سے زیادہ اطمینان بخش کوئی چیز نہیں، راجو صاحب اور پوری ٹیم کا بہت شکریہ۔ اس کے علاوہ سعودی وزارت ثقافت کا بھی شکریہ جنہوں نے اتنا اچھا مقام فراہم کرنے کے ساتھ ساتھ ایک اچھا کام بھی کیا'۔
راجکمار ہیرانی اور شاہ رخ خان پہلی بار ایک ساتھ کام کرنے جا رہے ہیں۔ تاہم راجکمار نے شاہ رخ خان کو فلم 'منا بھائی ایم بی بی ایس' کی پیشکش کی تھی لیکن شاہ رخ نے کسی وجہ سے اس میں کام کرنے سے انکار کر دیا۔ اب فلم 'ڈنکی' سے راجکمار ہیرانی اور شاہ رخ خان کی جوڑی کتنی کمال کرتی ہے، یہ تو فلم کی ریلیز پر ہی پتہ چلے گا جو 22 دسمبر 2023 کو ریلیز ہونے والی ہے۔
فلم 'ڈنکی' کی کہانی تارکین وطن کے غیر قانونی طور پر سرحد عبور کرنے پر مبنی ہے۔ فلم میں شاہ رخ خان کے علاوہ تاپسی پنو، وکی کوشل اور بومن ایرانی اہم کرداروں میں نظر آئیں گے۔
