اجے دیوگن کی ہدایتکاری میں بننے والی فلم رن وے 34 عید کے موقع پر ریلیز ہونے والی ہے۔ حال ہی میں اداکار نے اپنی آئندہ فلم کا دوسرا ٹریلر دہلی میں لانچ کیا۔ فلم کا دوسرا ٹریلر بھی پہلے ٹریلر کی ہی طرح دمدار نظر آرہا ہے۔ ٹریلر لانچ کے موقع پر اداکار اجے دیوگن کے علاوہ راکل پریت سنگھ بھی موجود رہیں۔ واضح رہے کہ دونوں اداکار فلم میں پائلٹ کا کردار ادا کر رہے ہیں۔ وہیں امیتابھ بچن اور بومن ایرانی کا کردار بھی اہم ہے۔ Runway 34 Trailer Launched in Delhi
ٹریلر میں کافی سازش اور ڈرامہ دیکھنے کو ملے گا جو ناظرین کو کلائمکس کے بارے میں جاننے کے لیے بے چین کردے گا۔ پہلے ٹریلر نے اپنے جی ایف ایکس اور ایکشن سے سامعین کو مسحور کردیا ہے۔ پہلے ٹریلر میں تجربہ کار اداکار امیتابھ بچن اور اجے دیوگن کے درمیان ہوئے کورٹ روم والے ڈرامہ کو دکھایا گیا ہے۔سچے واقعات سے متاثر ہو کر اجے دیوگن نے یہ فلم بنائی ہے اور یہ فلم سنیما شائقین کو ایک حیرت انگیز سفر پر لے جانے کے لیے بالکل تیار ہے۔
فلم کے دوسرے ٹریلر کے بارے میں بات کرتے ہوئے اجے دیوگن نے کہا، ’’رن وے 34 میری ہدایت کاری میں بننے والی تیسری فلم ہے اور یہ میرے دل کے بھی بہت قریب ہے۔ پہلے ٹریلر کو لوگوں کے ذریعہ پسند کیا گیا اور اسے سے ہماری حوصلہ افزائی ہوئی ہے، اس کے لیے آپ سب کا شکریہ۔ اب اس کا دوسرا ٹریلر لانچ کر دیا گیا ہے۔ اس ٹریلر سے آپ کپتان وکرانت کھنہ کردار کے بارے میں بھی کچھ جان سکتے ہیں۔ اجے نے بتایا، 'میں اس فلم میں ایک گرے کردار ادا کر رہا ہوں، جو قوانین کی خلاف ورزی کرتا ہے۔ لیکن اس کے باوجود کیپٹن وکرانت کھنہ ایک دلدار انسان ہے جو رشتوں کو سب سے زیادہ اہمیت دیتا ہے۔ مجھے امید ہے کہ سبھی اس ٹریلر اور 'رن وے 34' کو بہت پیار دینگے اور ستائش بھی کریں گے۔
مزید پڑھیں: Ajay Devgan Talks about Casting Amitabh Bachchan: 'امیتابھ بچن کے بغیر رن وے 34 نہیں بناتا'
