حیدرآباد: بی ٹاؤن سے پیر (27 جون) کو سب سے بڑی خوش خبری یہ آئی ہے کہ بالی ووڈ کی 'گنگوبائی' یعنی عالیہ بھٹ حاملہ ہیں۔ اس بات کا اعلان خود عالیہ بھٹ نے اپنی سوشل میڈیا کے ذریعہ کردیا ہے۔ جہاں ایک جانب یہ خوشخبری سن کر مداحوں کی خوشی سنبھالے نہیں سنبھل رہی ہے وہیں اداکارہ کے دوست اور بالی ووڈ کی مشہور ہستیاں اس جوڑی کو جم کر مبارکباد دے رہی ہے۔ اس درمیان رنبیر کپور کی بہن ردھیما کپور نے سوشل میڈیا پر بھیا اور بھابھی کو ڈھیر ساری مبارکباد دی ہے۔ Riddhima Kapoor Sahni on Alia Pregnancy
عالیہ اور رنبیر کے والدین بننے کی خبر سوشل میڈیا پر تیزی سے پھیل رہی ہے۔ اس کے علاوہ اداکار رنبیر کپور کی بہن ردھیما نے اس خوشی کا اظہار کرتے ہوئے ایک پوسٹ بھی کیا ہے۔ ردھیما نے انسٹاگرام اسٹوری پر لکھا ہے ' میرے بچوں کے گھر اب ایک بچے کی آمد ہونے والی ہے۔۔۔ میں تم دونوں سے بے انتہا پیار کرتی ہوں'۔
عالیہ بھٹ نے پیر کی صبح (27 جون) سوشل میڈیا پر اپنے حاملہ ہونے کی خبر شیئر کی۔ اس حوالے سے عالیہ نے ہسپتال سے دو تصاویر شیئر کی اور بتایا ہے کہ ان کے بچہ کی آمد ہونے والی ہے۔ اس خبر سے عالیہ۔رنبیر کے مداحوں میں خوشی کی لہر دوڑ گئی ہے۔ واضح رہے کہ عالیہ اور رنبیر نے اس سال 14 اپریل کو شادی کی تھی۔
عالیہ اور رنبیر پہلی بار فلم 'برہمسترا' میں ایک ساتھ نظر آنے والے ہیں۔ فلم برہمسترا اس سال 9 ستمبر کو ریلیز ہونے جا رہی ہے۔ اس سے پہلے رنبیر کپور کی فلم شمشیرا جولائی میں ریلیز ہونے جا رہی ہے۔ شمشیرا کے ٹریلر سے رنبیر کپور نے اپنے روپ اور اداکاری کے لیے کافی تعریفیں حاصل کی ہیں۔
مزید پڑھیں: Alia Bhatt Announce Pregnancy: عالیہ بھٹ ماں بننے والی ہیں، دیکھیں یہ تصویر
