حیدرآباد (تلنگانہ): بالی ووڈ اداکار رنبیر کپور کی آئندہ فلم شمشیرا ہندی سنیما کی متجسس فلموں سے ایک مانی جارہی ہے۔جہاں رنبیر کے مداح شمشیرا میں اداکار کو دیکھنے کا بے صبری سے انتظار کر رہے ہیں، وہیں ایسا لگتا ہے کہ اب مداحوں کا یہ انتظار ختم ہوگیا ہے کیونکہ فلم کا پوسٹر آن لائن لیک ہوگیا ہے۔ Shamshera Poster Leaked
شمشیرہ کا ایک پوسٹر انٹرنیٹ پر گردش کر رہا ہے۔ جہاں فلم میکرز نے فلم سے متعلق کسی قسم کی کوئی تفصیلات شیئر نہیں کی ہے اور فلم کے پروموشن کے لیے منصوبہ بندی کر رہے ہیں۔ وہیں شمشیرا کے پوسٹر سوشل میڈیا پر وائرل ہورہا ہے۔ لیک ہونے والے پوسٹر میں رنبیر کو لمبے بال اور داڑھی میں دیکھا جاسکتا ہے۔ اداکار خطرناک روپ میں نظر آرہے ہیں۔
اس فلم میں سنجے دت بھی اہم کردار میں نظر آئیں اور دونوں ایک دوسرے کے دشمن کا کردار ادا کرنے والےہیں۔ سنجے فلم میں بے رحم اور خطرناک ولن کا کردار ادا کریں گے۔ وہیں اداکارہ وانی بھی اس فلم میں رنبیر کے ساتھ نظر آئیں گی۔یش راج فلمز کے بینر تلے بننے والی فلم شمشیرا 22 جولائی کو ہندی، تامل اور تیلگو میں ریلیز ہوگی۔
مزید پڑھیں: Brahmastra Trailer Out: عالیہ اور رنبیر کی پہلی فلم ' برہمسترا' کا ٹریلر ریلیز
