حیدرآباد: یش راج فلمز کی جانب سے رنبیر کپور کی فلم 'شمشیرا' کا پہلا آفیشل پوسٹر جاری کردیا گیا ہے۔ حال ہی میں فلم کا پوسٹر لیک ہوا تھا۔ اب فلم کے اصل پوسٹر کے ساتھ ہی فلم کی ریلیز کی تاریخ کا بھی اعلان کردیا گیا ہے۔ فلم میں رنبیر کپور کی پہلی جھلک دیکھنے کے بعد مداحوں میں زبردست جوش و خروش پایا جارہا ہے۔ رنبیر کا یہ کردار زبردست نظر آرہا ہے۔ فلم کے نئے پوسٹر کو دیکھ کر شائقین میں فلم دیکھنے کی بے چینی بڑھ سکتی ہے۔ یہ فلم رواں سال 22 جولائی کو ریلیز ہو رہی ہے۔ Shamshera Official Poster Out
فلم کا پوسٹر رنبیر کپور کی اہلیہ عالیہ بھٹ اور اداکار سنجے دت نے بھی شیئر کی ہے۔ پوسٹر میں رنبیر کے لک سے واضح ہے کہ انہوں نے اپنی فلم کے لیے کافی تیاری کر رکھی ہے۔رنبیر کی اہلیہ عالیہ نے اپنے انسٹاگرام ہینڈل پر شمشیرا کی پہلی جھلک شیئر کرتے ہوئے لکھا، "اب یہ ایک گرم صبح ہے.. میرا مطلب ہے.. صبح بخیر 😍😬۔"
- " class="align-text-top noRightClick twitterSection" data="
">
کرن ملہوترا کی ہدایت کاری میں بننے والی یہ فلم 1800 کی دہائی کے ایک ڈاکو قبیلے کی کہانی پر مبنی ہے، جو انگریزوں سے اپنے حق اور آزادی کے لیے جدوجہد کر رہے ہیں۔ یش راج فلمز کے اپنے آفیشل ٹویٹر ہینڈل پر شیئر کیے گئے پوسٹر میں رنبیر کو ایک زبردست جنگجو کردار میں نظر آرہے ہیں۔ پوسٹر میں رنبیر لمبے بال اور داڑھی میں نظر آرہے ہیں۔ پوسٹر آن لائن لیک ہونے کے چند دن بعد فلم میکرز نے یہ جاری کیا ہے۔
لاک ڈاؤن کی وجہ سے فلم لٹکی ہوئی تھی
آپ کو بتا دیں رنبیر کپور چار سال بعد فلمی دنیا میں واپسی کر رہے ہیں۔ اس سال ان کی فلم 'برہمسترا' (9 ستمبر 2022) بھی ریلیز ہونے جا رہی ہے، تاہم اس سے قبل رنبیر کپور فلم 'شمشیرا' میں زبردست کردار میں نظر آئیں گے، جو رواں سال 22 جولائی کو ریلیز ہو رہی ہے۔ اب شائقین رنبیر کی ان دونوں فلموں کا بے صبری سے انتظار کر رہے ہیں۔
آپ کو بتا دیں اس سے پہلے رنبیر کپور فلم ’سنجو‘ میں نظر آئے تھے۔ یہ فلم اداکار سنجے دت کی بائیوپک تھی جس نے باکس آفس پر خوب کمائی کی تھی۔ فلم 'شمشیرا' میں رنبیر کپور کے ساتھ سنجے دت بھی ایک اہم کردار میں نظر آنے والے ہیں۔فلم 'شمشرا' کی ہدایتکاری کرن ملہوترا نے کی ہے۔ فلم میں رنبیر کپور کے مقابل خوبصورت اداکارہ وانی کپور نظر آئیں گی۔ یہ فلم ہندی، تمل، تیلگو میں ریلیز ہوگی۔
مزید پڑھیں: Shamshera Poster Leaked: رنیبر کپور کی آئندہ فلم 'شمشیرا' کا پوسٹر آن لائن لیک ہوگیا
