حیدرآباد: بالی ووڈ کے بادشاہ شاہ رخ خان ان دنوں اپنی دو فلموں ڈنکی اور پٹھان کی وجہ سے سرخیوں کی رونق بنے ہوئے ہیں۔ شاہ رخ خان چار سال بعد بڑے پردے پر دوبارہ قدم رکھنے کو تیار ہیں۔ سال 2018 میں فلم زیرو کی ناکامی کے بعد وہ کسی فلم میں نظر نہیں آئے۔ اب شاہ رخ خان ایک بار پھر فلم انڈسٹری میں سرگرم ہوگئے ہیں۔ حال ہی میں شاہ رخ خان نے فلم ڈنکی کا اعلان کیا تھا۔ راجکمار ہیرانی اس فلم کو ڈائریکٹ کر رہے ہیں۔ اب فلم کے سیٹ سے ایک تصویر لیک ہوئی ہے۔ Shah rukh Khan's film Dunki
لیک ہونے والی تصویر میں کیا ہے؟
فلم ڈنکی کے سیٹ سے وائرل ہونے والی تصویر ایک گروپ فوٹو ہے، جس میں فلم کے مرکزی اداکار شاہ رخ خان اور ہدایت کار راجکمار ہیرانی بھی نظر آ رہے ہیں۔ اس گروپ فوٹو میں شاہ رخ خان بنداس انداز میں نظر آرہے ہیں۔ انہوں نے چشمہ پہن رکھا ہے۔ اس کے ساتھ ہی راجکمار ہیرانی شاہ رخ کی دائیں طرف نظر آرہے ہیں۔
مزید پڑھیں: فلم ڈنکی میں شاہ رخ خان کے علاوہ اور کون اداکار نظر آنے والے ہیں، دیکھیں تصویر
شاہ رخ خان کے مداح ان کی اس تصویر کو بے حد پسند کر رہے ہیں۔ اس میں شاہ رخ خان کا انداز مداحوں کو اچھا لگ رہا ہے۔ فلم ڈنکی کی بات کریں تو یہ ایک کامیڈی ڈرامہ ہے، اگر فلم کے دیگر اداکار کی بات کی جائے تو اس میں بومن ایرانی، تاپسی پنو، سنیل گروور، وکی کوشل اور دھرمیندر نظر آئیں گے۔
