نیٹفلکس میں آنے والی سیریز 'گنز اینڈ گلابس' کے میکرز نے منگل کو ایک نئے موشن پوسٹر کی نقاب کشائی کی جس میں اداکار ذوالقر سلمان نظر آرہے ہیں۔ انسٹاگرام پر ہدایتکار کی جوڑی راج اور ڈی کے نے موشن پوسٹر شیئر کیا اور ذوالقر سلمان کے کردار سے مداحوں کا تعارف کرایا۔ اس سیریز میں سلمان ارجن ورما کے کردار میں نظر آئیں گے۔ اس کے علاوہ ہدایتکار نے یہ بھی بتایا کہ گنز اینڈ گلابس کا ٹریلر کل ریلیزہوگا'۔Guns and Gulaabs
موشن پوسٹر میں ذوالقر سلمان کو ارجن ورما کے طور پر متعارف کرایا گیا ہے۔ انہیں ہاتھ میں بندوق پکڑے ایک ڈیپر اوتار میں دیکھا جا سکتا ہے۔ میکرز کی جانب سے موشن پوسٹر ریلیز کیے جانے کے فورا بعد شائقین نے اپنے تبصروں سے کمنٹ سیکشن کو بھردیا ہے۔ ایک مداح نے تبصرہ کرتے ہوئے لکھا کہ 'اس سیریز کی کاسٹ میری پسند بننے والی ہے'۔ ایک اور مداح نے لکھا کہ ' ان سب کی ہیر اسٹائل 70 کی دہائی جیسی ہے بہت پسند آیا یہ، کوئی تو ہے ایسا کچھ ابھی بھی بنا رہا ہے۔ شکریہ راج اور ڈی کے سر'۔
ذوالقر سلمان کے کردار پر ردعمل ظاہر کرتے ہوئے ایک شخص نے لکھا کہ ' ارجن ورما ہمار پسندیدہ کردار بننے والا ہے'۔میکرز 2 اگست کو سیریز کے آفیشل ٹریلر کی نقاب کشائی کریں گے۔ اس سیریز میں راج کمار راؤ، ذوالقر سلمان، آدرش گورو، ٹی جے بھانو اور گلشن دیویا اہم کرداروں میں ہیں۔ راج اور ڈی کے نے ذوالقر سلمان سے پہلے سیریز سے راج کمار راؤ اور آدرش گورو کا موشن پوسٹر ریلیز کیا تھا۔حال ہی میں میکرز نے سیریز کے آفیشل ٹیزر کی نقاب کشائی کی۔
