ممبئی (مہاراشٹر): کیمپس کامیڈی ڈرامہ ڈاکٹر جی 14 اکتوبر کو سینما گھروں میں ریلیز ہونے والی ہے، میکرز نے پیر کے روز فلم کی ریلیز تاریخ کا اعلان کیا۔ آیوشمان کھرانہ اور راکل پریت سنگھ کی اداکاری والی یہ فلم انوبھوتی کشیپ کی بطور ہدایتکار پہلی فلم ہوگی۔Doctor G Release Date
آیوشمان نے فلم کی ریلیز کی تاریخ سوشل میڈیا پر شیئر کرتے ہوئے لکھا کہ 'زندگی ہے میری فلم آف گوگلی، بننا تھا آرتھوپیڈکس، پر بن گیا ڈاکٹر جی۔ اپنی اپائنٹمنٹس لینے کے لیے تیار ہو جائیں۔ ڈاکٹر جی 14 اکتوبر 2022 کو آپ کے قریبی سینما گھروں میں ملیں گے'۔
اپنی کثیر الجہت صلاحیتوں کے لیے مشہور آیوشمان اپنی ہر پرفارمنس سے لوگوں کو اپنا گرویدہ بنادیتے ہیں۔ ان کی ہمیشہ کوشش ہوتی ہے کہ وہ شائقین کو کچھ نیا دکھائیں اور وہ اب اپنی نئی فلم ڈاکٹر جی میں کچھ ایسا ہی کرنے جارہےہیں۔ وہ اپنے کیریئر میں پہلی بار ایک گائناکالوجسٹ کے کردار میں نظر آئیں گے۔
- " class="align-text-top noRightClick twitterSection" data="
">
انوبھوتی کشیپ کی ہدایت کاری میں بننے والی ڈاکٹر جی میں راکل پریت سنگھ، ڈاکٹر فاطمہ دگل اور شیفالی شاہ ڈاکٹر نندنی بھاٹیہ کے اہم کردار میں نظر آئیں گی۔ میکرز نے فلم کی شوٹنگ 14 جولائی 2021 کو بھوپال میں شروع کی تھی۔ راکل پریت کی آیوشمان کے ساتھ یہ پہلی فلم ہوگی۔
فلم کی ریلیز تاریخ کا اعلان کرنے سے قبل میکرز نے اسٹار کاسٹ کی پہلی جھلک سے روبرو کروایا تھا ۔ ویسے تو فلم رواں برس 17 جون کو ریلیز ہونے والی تھی لیکن کچھ وجوہات کی بنا پر اسے ملتوی کردیا گیا۔ ڈاکٹر جی ایک سوشل کامیڈی فلم ہے جو ناظرین کو ایک خاص پیغام بھی دے گی۔
مزید پڑھیں:Dream Girl 2 Release Date ڈریم گرل 2 کی ریلیز تاریخ کا اعلان
واضح رہے کہ آیوشمان اگلی فلم میں جیدیپ اہلاوت کے ساتھ ایک ایکشن ہیرو کے روپ میں نظر آئیں گے۔ یہ فلم 3 دسمبر 2022 کو ریلیز ہونے والی ہے۔ وہیں آیوشمان کی ڈریم گرل 2 بھی 29 جون 2023 کو ریلیز ہونے والی ہے۔
