نئی دہلی: 75ویں کانز فلم فیسٹیول کے ریڈ کارپٹ ایونٹ پر بھارتی عوام کی نظر ہے کیونکہ بھارت کی فلمی دنیا سے تعلق رکھنے والے مشہور شخصیات سمیت بھارتی وفد کا ایک حصہ فیسٹیول کے افتتاحی دن یعنی 17 مئی کو ریڈ کارپیٹ پر جلوہ گر ہونے والا ہے۔اطلاعات و نشریات کے مرکزی وزیر انوراگ ٹھاکر ہندوستان کے کانز وفد کی قیادت کریں گے۔ ان مشہور شخصیات کی فہرست میں ہندوستان کے موسیقی دنیا کے مشہور ستارے بھی شامل ہیں۔ Akshay Kumar, AR Rahman at Cannes 2022
اس وفد میں اداکار پروڈیوسر آر مادھون، اکشے کمار، میوزک کمپوزر اے آر رحمان، اداکار نوازالدین صدیقی، پوجا ہیگڑے اور نینتارا سمیت سی بی ایف سی کے چیف پرسون جوشی، فلمساز شیکھر کپور اور میوزک کمپوزر رکی ریج بھی شامل ہیں۔ Indian Celebs at Cannes 2022۔ یہ ایک ایسا وقت ہے جب بھارت اپنی آزادی کا 75 واں سال منارہا ہے اور اس خوشی کے موقع پر ہم سب آزادی کے امرت مہوتسو کی تیاریاں بھی کر رہے ہیں، وہیں بھارت اور فرانس بھی سالانہ کانز فلم فیسٹیول کے ذریعہ اپنی دوستی کے 75 سال کو منارہا ہے۔
