ممبئی: بھوجپوری فلموں کے سپر اسٹار پردیپ پانڈے چنٹو اور اداکارہ کاجل راگھوانی کی آنے والی فلم’عشق‘عید کے موقع پر 21 اپریل کو ریلیز ہوگی۔ سائی دیپ فلمز کی پیش کردہ فلم عشق کے پروڈیوسر راجکمار آر پانڈے ہیں۔ فلم کی کہانی اور ہدایت کاری بھی خود راجکمار آر پانڈے نے کی ہے۔انہوں نے اس فلم کے حوالے سے کہا تھا کہ ’عشق‘ ایک تازہ لو اسٹوری ہے۔ ہم نے کہانی میں محبت اور سماجی تانے بانے میں اس کے مقام کو حقیقت کا زاویہ پیش کرتے ہوئے تیار کیا ہے۔ ہماری فلم کی جو کہانی ہے عام طور پر ہمارے درمیان دیکھی جاتی ہے۔
اس کہانی میں اتنا ہی پیار اور جذبہ ہے جتنا کہ ایکشن اور تھرل بھی ہے۔ وہیں، فلم کے حوالے سے چنٹو نے کہا کہ فلم عشق میرے لیے بہت اہم ہے۔ اس فلم کی کہانی نے میرے دل کو چھو لیا ہے۔ ہم نے اس فلم کو پورے جذبے سے بنائی ہے۔اس لئے امید ہے کہ ہمارے بھوجپوری شائقین اسے پسند کریں گے۔ یقین کریں، ’عشق‘جو بھی ایک بار دیکھے گا اسے یقیناً بھوجپوری سنیما سے پیار ہوجائے گا۔ کاجل راگھوانی نے کہا کہ فلم عشق کی کہانی ایسی ہے کہ مجھے بھی اس سے ’عشق‘ ہو گیا ہے۔
یہ بھی پڑھیں: Pawan Singh Song Out: بھوجپوری گانا 'لال گھاگھرا' دہلی میں لانچ ہوا
ایسی فلمیں بھوجپوری سنیما کا قد بڑھاتی ہیں۔ انہوں نے کہا کہ راجکمار آر پانڈے اور چنٹو کے ساتھ یہ میری بہترین فلم ہے۔ غورطلب ہے کہ’عشق‘ کے رائٹر، پروڈیوسر، ڈائریکٹر راجکمار آر پانڈے ہیں۔ نغمہ نگار راجکمار آر پانڈے اور سمت سنگھ چندراونشی ہیں۔ موسیقی راجکمار آر پانڈے کی ہے۔ ڈی او پی مہیش وینکٹ ہیں۔ ایکشن پردیپ کھڑکا نے اور کوریوگرافی پپو کھنہ اورکانو مکھرجی نے کی ہیں۔
یو این آئی
