ممبئی: اپنی شادی کی پہلی سالگرہ کے موقع پر اداکار رنبیر کپور اور عالیہ بھٹ جمعہ کو ممبئی میں اپنے زیر تعمیر گھر کو دیکھنے کے لیے پہنچے۔ جب پاپرازی نے تصویروں کی درخواست کی تو جوڑے نے ان کے سامنے خوب ساری تصویریں کھینچوائیں جس میں عالیہ رنبیر کو بوسہ دیتی ہوئی نظر آرہی ہیں۔ سوشل میڈیا پر وائرل ہونے والی تصاویر اور ویڈیوز میں عالیہ کو شرماتے ہوئے دیکھا جاسکتا ہے جب کہ رنبیر فوٹوگرافرز سے ہاتھ ملاتے ہوئے نظر آرہے ہیں جنہوں نے دونوں کو شادی کی پہلی سالگرہ پر مبارکباد دی۔ عالیہ نے رنبیر کو گلے بھی لگایا اور گال پر بوسہ بھی دیا۔ رنبیر کو گرے رنگ کی ٹی شرٹ اور پینٹ میں دیکھا گیا اور دوسری طرف ان کی اہلیہ کو سفید ٹی شرٹ اور بلیک جینز پہنے ہوئے دیکھا گیا۔ اس کے علاوہ عالیہ نے کانوں میں گولڈن بالیاں بھی پہنی ہوئی تھیں۔
- " class="align-text-top noRightClick twitterSection" data="
">
واضح رہے کہ گزشتہ روز اس جوڑی نے اپنی شادی کی پہلی سالگرہ منائی اور عالیہ نے انسٹاگرام پر رنبیر کے ساتھ گزارے گئے اپنے خاص لمحات شیئر کیے۔ انہوں نے اس موقع پر تین ایسی تصاویر شیئر کیں جس میں دونوں بے حد خوش نظر آرہے ہیں۔ ان میں جوڑے کی ہلدی تقریب کی تصاویر سے لے کر کینیا میں گزاری گئیں چھٹیاں اور اننت امبانی اور رادھیکا مرچنٹ کی منگنی تقریب میں لی گئی تصاویر تک شامل ہیں، عالیہ نے ان تصاویر کو شیئر کرتے ہوئے لکھا کہ ' ہیپی ڈے'۔
عالیہ اور رنبیر کو اپنی ہٹ فلم برہمسترا کی شوٹنگ کے دوران پیار ہو گیا تھا۔ دو سال تک ڈیٹنگ کے بعد دونوں نے گزشتہ سال اپریل میں شادی کی۔ انہوں نے ممبئی میں رنبیر کی رہائش گاہ پر اپنے اہل خانہ اور قریبی دوستوں کی موجودگی میں شادی کی۔ ان کی بیٹی راحہ کی پیدائش کے ساتھ سال 2022 ان دونوں کے لیے اور بھی خاص ہوگیا۔
