دہلی: اکشے کمار کی ایک ویڈیو انٹرنیٹ پر وائرل ہو رہی ہے جس میں ان کے مداح اداکار کی حسن سلوک کی تعریف کر رہے ہیں۔ دہلی میں اپنی آنے والی فلم 'سیلفی' کی تشہیر کے دوران کمار کے باڈی گارڈ نے ایک پرستار کو زمین پر گرا دیا کیونکہ مداح نے بیریکیڈ سے چھلانگ لگا کر اداکار کے پاؤں چھونے کی کوشش کی۔ یہ دیکھ کر اکشے کمار نے ایک سیکنڈ ضائع کیے بغیر مداح کو اٹھانے کے لیے اپنا ہاتھ بڑھایا اور اسے گلے بھی لگایا۔Akshay Kumar's bodyguard pushes fan
-
#AkshayKumar hugs his fan during #Selfiee Promotions in #GalgotiasUniversity #SelfieePromotionsInDelhi #SelfieeInDehli pic.twitter.com/9p6r4l9HMJ
— Nikshey Dhiman (@NiksheyD) February 20, 2023 " class="align-text-top noRightClick twitterSection" data="
">#AkshayKumar hugs his fan during #Selfiee Promotions in #GalgotiasUniversity #SelfieePromotionsInDelhi #SelfieeInDehli pic.twitter.com/9p6r4l9HMJ
— Nikshey Dhiman (@NiksheyD) February 20, 2023#AkshayKumar hugs his fan during #Selfiee Promotions in #GalgotiasUniversity #SelfieePromotionsInDelhi #SelfieeInDehli pic.twitter.com/9p6r4l9HMJ
— Nikshey Dhiman (@NiksheyD) February 20, 2023
اس واقعے کی ویڈیو نے سوشل میڈیا صارفین کی توجہ اپنی جانب مبذول کرائی ہے جس کے بعد بہت سے لوگوں نے اپنے ردعمل کا اظہار کرتے ہوئے کہا کہ اداکار کا دل سونے کا ہے۔ تارا شرما نام کی ایک ٹویٹر صارف نے اس ویڈیو کو شیئر کیا اور تبصرہ کیا کہ 'بہت اچھا سر'۔ اکشے کمار اس وقت اپنی فلم 'سیلفی' کی تشہیر میں مصروف ہیں، جو 24 فروری کو سینما گھروں کی زینت بنے گی۔
اس ویڈیو میں اداکار سیاہ رنگ کی ٹی شرٹ اور ٹراؤزر میں ملبوس نظر آرہے ہیں۔ انہوں نے اپنے مداحوں سے ہاتھ ملایا اور بعد میں اسٹیج پر اپنے ساتھی اداکار عمران ہاشمی کا ساتھ دینے پہنچے۔ اکشے نے دہلی میں پروموشنز کے بارے میں ٹویٹ بھی کیا تھا اور تمام محبتوں کے لیے دہلی والوں کا شکریہ ادا کیا تھا۔ اداکار نے ایونٹ میں اپنی زبردست انٹری کی ایک جھلک شیئر کرتے ہوئے لکھا تھا کہ ' دہلی۔۔۔ آپ لوگوں کا دل سب سے بڑا ہے، ہمیشہ ہمیں سب سے بڑی محبت کے ساتھ گلے لگاتے ہیں۔ سنیما گھروں میں سیلفی دیکھیں۔ اس جمعہ، 24 فروری کو ریلیز ہورہی ہے۔
اس سے قبل 9 فروری کو اداکار نے فلم کا تیسرا گانا شیئر کیا تھا۔ انہوں نے اپنی فلم 'سیلفی' کے ایک نئے گانے کی ریلیز کے بارے میں ٹویٹ کیا۔ یہ گانا یو یو ہنی سنگھ نے گایا ہے جس میں اکشے کمار اور ڈیانا پینٹی نظر آرہے ہیں۔ 'سیلفی' کو راج مہتا نے ڈائریکٹ کیا ہے جس میں عمران ہاشمی، نصرت بھروچا اور ڈیانا پینٹی مرکزی کردار میں ہیں۔
