لندن: ہالی ووڈ فلم سیریز ہیری پوٹر میں ہیگریڈ کا کردار ادا کرنے والے اداکار روبی کولٹرین 72 برس کی عمر میں انتقال کر گئے۔ وہ گذشتہ کچھ دنوں سے بہت بیمار تھے، اس سلسلے میں انہیں ایک نجی اسپتال میں علاج کے لیے داخل بھی کیا گیا تھا، جہاں انہوں نے آخری سانس لی۔ 'ہیری پوٹر' کے علاوہ وہ آئی ٹی وی کے جاسوسی ڈرامے 'کریکر' اور جیمز بانڈ کی فلموں 'گولڈن آئی' اور 'دی ورلڈ از ناٹ اینف' میں بھی نظر آ چکے ہیں۔ ان کی موت پر فلم انڈسٹری سوگوار ہے۔ Harry Potter Actor Robbie Coltrane died
روبی کولٹرین سنہ 1990 کے دہائی Cracker سیریز سے مشہور ہوئے۔ اس سیریز میں انہوں نے جاسوسی کا کردار ادا کیا۔ اس کے لیے انہیں برٹش اکیڈمی ٹیلی ویژن ایوارڈز (BAFTA) میں بہترین اداکار کے ایوارڈ سے بھی نوازا گیا۔ وہیں ہیری پوٹر کی بات کریں تو اس سیریز میں روبی نے ہیگریڈ کا کردار ادا کیا۔ اس کردار کے بعد پوری دنیا میں ان کی فین فالوونگ بڑھ گئی۔ ایسے میں دنیا بھر میں موجود ان کے مداح ان کی موت سے بہت افسردہ ہیں۔
