مہاراشٹر کے ناگپور میں ایک 20 سالہ نوجوان نے اپنی ماں کی توہین کا بدلہ لینے کے لیے 15 سال کے نابالغ بچے کا قتل کر دیا۔ پولیس کے ایک افسر نے یہ جانکاری دی۔ ایم آئی ڈی سی پولیس تھانہ کے ایک افسر نے بتایا کہ سورج ساہو نام کے نوجوان نے جمعرات کو 15 سالہ منگلو پانڈے کا اغوا کر لیا اور پتھر سے پیٹ پیٹ کر اس کا قتل کر دیا۔
پولیس افسر کے مطابق ساہو نے دعویٰ کیا کہ نابالغ کے چچا نے اس کی ماں کو پریشان کر کے اس کی بے عزتی کی تھی۔ ملزم نے منگلو کے ماں باپ کو فون کر کے دھمکی دیتے ہوئے کہا کہ اگر منگلو کے چچا کے کٹے ہوئے سر کا فوٹو وہ وہاٹس ایپ پر اسے بھیجیں تبھی منگلو زندہ لوٹے گا اور کچھ وقت کے بعد اس نے پتھر سے پیٹ پیٹ کر منگلو کا قتل کر دیا۔
مزید پڑھیں:
سوشل میڈیا پر لڑکی کو بدنام کرنے والا نوجوان گرفتار
پولیس نے بتایا کہ ساہو جائے واردات سے فرار ہو گیا تھا لیکن اسے بورکھیڑی سے پکڑ لیا گیا ہے۔
