پہلگام: مقامی لوگوں نے مین روڈ بلاک کرکے کئی گھنٹوں تک ٹریفک کی آمدورفت روک دی اور Protest in Pahalgam احتجاج کیا۔ ای ٹی وی بھارت سے بات کرتے ہوئے مقامی لوگوں نے بتایا کہ گاؤں کے چند گھرانوں نے مین روڈ پر ناجائز قبضہ کر رکھا ہے جس کے باعث انہیں سڑک پر چلنے پھرنے کا سامنا کرنا پڑتا ہے۔
مقامی لوگوں نے سڑک پر ناجائز تجاوزات ختم کرنے کا مطالبہ کرتے ہوئے ضلع انتظامیہ سے قابضین کے خلاف کارروائی کرنے کا مطالبہ کیا ہے۔
یہ بھی پڑھیں:
پہلگام میں غیر قانونی طور جمع کیا گیا تعمیراتی مواد ضبط
موقع پر موجود نائب تحصیلدار سلر محمد اشرف نے ای ٹی بھارت کو بتایا کہ لڈی پہلگام سے کوٹبل پہلگام تک سڑک پر تین گھرانوں نے غیر قانونی طور پر تجاوزات کر رکھی ہیں، جس کی وجہ سے مقامی لوگوں کو مشکلات کا سامنا کرنا پڑ رہا ہے۔ انہوں نے کہا ہے کہ ہم نے انہیں انتباہ کیا ہے کہ کل تک سڑک سے تجاوزات ہٹا دیں اگر وہ ناکام ہوئے تو ہم ان کے خلاف قانونی کارروائی کریں گے۔ انہوں نے مزید کہا کہ یہ ایک سرکاری اراضی ہے جس پر محکمہ بلاک ڈویلپمنٹ نے کچھ کام کیا تھا۔
