دہلی این سی آر میں بدمعاشوں کو ہتھیار سپلائی کرنے والے ایک گینگ کا خصوصی سیل نے پردہ فاش کیا ہے۔ پولیس نے اس گروہ کے 6 رکن کو گرفتار کیا اور ان سے 4500 گولیاں برآمد کیں۔ یہ گروہ ایک عرصے سے دہلی این سی آر میں غیر قانونی طریقے سے اسلحہ سپلائی کرنے کے کام میں ملوث تھا۔ پولیس ان گولیوں کا ذریعہ ڈھونڈنے کی کوشش کر رہی ہے۔
ڈی سی پی سنجیو یادو کے مطابق اسپیشل سیل کی ایک ٹیم ان اسمگلروں کو پکڑنے کے سلسلے میں کام کر رہی تھی۔ اس دوران انہیں اطلاع ملی کہ گولیوں کی کھیپ لے جانے والا ایک اسمگلر براڑی علاقے میں آنے والا ہے۔ اسپیشل سیل کی ٹیم نے اسے گرفتار کرلیا۔ ان سے موصولہ اطلاع کی بنیاد پر پولیس نے دیگر پانچ ملزمین کو گرفتار کرلیا گیا ہے۔ ان گرفتار شدہ ملزمین کی شناخت رمیش ، دیپانشو ، اکرام ، اکرم ، منوج کمار اور امیت کے طور سے ہوئی ہے۔ ان کے پاس اب تک 4500 گولیاں برآمد ہوئی ہیں۔
