دہلی: پتہ پوچھنے کے بہانے راہگیر کو لوٹ لیا، دو گرفتار

دہلی کے سریتا وہار علاقے میں ایک راہ گیر سے موبائل چھیننے والے بدمعاشوں کو پولیس نے گرفتار کیا ہے۔ ان کے پاس سے ایک چوری شدہ موبائل فون اور ایک موٹرسائیکل برآمد ہوئی ہے۔

دہلی پولیس نے دارالحکومت کی سڑکوں پر ناواقف ہونے کا بہانہ کر کے راہگیروں کو لوٹنے اور جھپٹ ماری کے معاملے میں دو ملزمین کو گرفتار کیا ہے۔

جنوبی مشرقی دہلی کے ڈپٹی کمشنر پولیس آر پی مینا نے جمعرات کو بتایا کہ محمد نور نبی (21) اور آصف علی مدن پور (22) کو بدھ کے روز سریتا وہار علاقے سے گرفتار کیا گیا۔ وہ اسی علاقے کے مدن پور کھادر کا رہائشی ہے۔ ان کے پاس سے ایک چوری شدہ موبائل فون اور ایک موٹرسائیکل برآمد ہوئی ہے۔

انہوں نے بتایا کہ سریتا وہار تھانے کی جسولہ ریڈ لائٹ کے قریب ایک مسافر بدھ کی شام 6 بجے کے قریب بس اسٹینڈ پر بس کا انتظار کر رہا تھا۔ اسی دوران موٹر سائیکل پر سوار دو نوجوان اس کے پاس آئے۔ موٹرسائیکل سوار نے لاعلمی کا ڈرامہ کیا اور اس سے بی بلاک کا پتہ پوچھا۔ مسافر اسے پتہ بتا رہا تھا کہ پیچھے بیٹھے بدمعاش نے اس کا موبائل فون جھپٹ لیا اور دونوں موقع سے بھاگ گئے۔

دریں اثنا، جب متاثرہ نے شور مچایا تو قریبی گشت پر مامور پولیس اہلکاروں نے شرپسندوں کا پیچھا کیا اور انہیں کچھ فاصلے پر پکڑ لیا۔

ڈپٹی کمشنر پولیس نے بتایا کہ تفتیش کے دوران ملزمین نے لوٹ مار کا اعتراف کرلیا ہے۔

یو این آئی